منتديات روعة الكون - يا حظ عين اللي هنا له منامه

" لا..واحسايف"

ياحظ عين اللي هنا له منامه
وانا عيوني بعدها عافت النوم
أتذكره واذكر عتبه وملامه
وأقول ليت اللي مضى يرجع اليوم
قولوا لها أني بألف خير وسلامه
اقضي زماني بين حسرات واهموم
الوقت عندي ساعته مثل عامه
ياطول ليل اللي من الحب محروم
ياللي هجرتي من ملكتي غرامه
ماكني الا اللي من الديد مفطوم
دامك نويتي ياغرامي فطامه
ماكان قلتي له وهو فيك موهوم؟
سلمتك أبقلبي وسام الزعامه
حكمتك ابقلبي مثل حاكم الروم
واليوم عفتي من عطاك احترامه
لا واحسايف دامني منك مظلوم
نهايتك ماهي قيام القيامه
باعيش من دونك وفرقاك مقسوم
نمر بعد وضحى بقى في خيامه
رضى بحكم الله ومن مات مرحوم
من باعني ماني بقائل علامه
ماني مدور له والا بأكثر اللوم
كلن على قولك يراعي مقامه
وانا على الفرقى معي صبر واعزوم
إن عودت عِزه وكِبر وكرامه
الله معك والأمر مقضي ومحسوم
لاتبتسم ماحد(ن) طلبك ابتسامه
أرخصت نفسك بعد ماكنت محشوم
القلب عنك اليوم يعلن صيامه
ماعاد تلزمني والا لي بك الزوم
شوفي واشوف اللي يوفي كلامه
دام الفراق أصبح مقدر ومحتوم

منقوول