السلام عليكم ورحمة الله وبركاته


بويتات ارسلتها للشاعر خالد الماجد بمناسبة ترقيته الى ملازم اول

ويستاهل ابو رغد الترقيه والله يحفظه لخدمة وطنه ومليكه ،

وجاني ردها من اخوي خالد برسالة جوال


اليكم الابيات وردها




درب الردى محدً لقاء فيه نوماس
ــــــــــ والطيب يبقى للرجال المناعير

،،

سلام من راس الطناطيخ مقباس
ـــــــــــ يم الشيوخ اللي تهــــز الطوابير

،،

خالد ولد ماجد من الراس للراس
ــــــــــــ دوشان والدوشان روس المشاهير

،،

مبروك ياخالد لك الطيب بالناس
ــــــــــــ ولنا الفخـر ومطير ياحظها مطير

،،

تستاهل النجمه على الكتف نوماس
ــــــــــ ومبروك ياولد الشيوخ المناعير



.........

رد الشاعر / خالد الماجد



رد الشاعر خالد الماجد علي في الابيات هذه

حي الجواب اللي لفاني على ساس
ــــــــــ من شاعرً يقطف زهور ونواوير

،،

في شاشة الجوال جتني لها اجراس
ــــــــــــ واستشرقت كل المشاعر بتعبــير

،،

ياصاحبي يوم الوفا ماله اقياس
ــــــــــــ انت الوفاء رمز العطاء منبع الخير

،،

واللي لفتني يابعيدً بالارماس
ــــــــــ ابيات شعــرً ماحوتها التفاكــــــير

،،

جزل المعاني والقصايد له اضراس
ــــــــــ وانا بشوف القاف اكفخ ولاطير