منتديات روعة الكون - بكره تجي والله لاذلك وابكيك ،،،

تحيه معطره بالريحان ، والجوسق ، والياسمين

العـذر على كل هذا الغياب ،،

نعـــود اليكم وبــ قصيده كتبتها قبل فتره ،،

اليكم كما هي واتمنى ان تليق في مقام ذائقتكم الشعريه

::...::

::..::

::..::

][®][^][®][..ياصاحبي..][®][^][®][

تعال ياصاحبي قبل لاتروح *** ابيـك الـيـوم تنسـانـي

تعال اقولك انـا مسمـوح *** وانسى حبـي ووجدانـي

خلاص صدق نسيتك *** بعد ماكنت حبيتـك

حياتي معك وانا بكيفي *** تبي العزه وتحدانـي

ادري تشوف لك غيري ........... وعيش عمرك على كيفك

لانـك خنتنـي الاول ........... انا ماشره على طيفـك

ماعاد فيها انتيهنا اليــوم ........... حرام اعيش معك مهموم

لاعاد تذكرني في احلامك *** ابيـك اليـوم تنسـانـي

يكفي منك بعـد تعذيـب .....:::..... ماعاد معك انـا اتحمـلـ

لانك خايـن ومغـرور

..::..

تعيش الحب ولالك دور

..::..

ابيك الحيـن تنسانـي

..::..

وتنسى حبي ووجداني

\\

//

\\

::.. ياهـاجــسـي ..::

ياهاجسي ابدع لاجل نفع قاريك
ــــــــ ابدع حكم وامثال فن وبراعه
ودي بهم مفهوم غامض معانيك
ــــــــ الكل يدرك مقصده وانطباعه
خص الذي خان العهد مايراعيك
ـــــــ بدل حبال الوصل هجر وقطاعه
يافلان انا من بدت الناس شاريك
ــــــ وانت الذي عرضتني للبياعه
سلمت قلبي في يدك كنت موفيك
ـــــــ ماكنت اضنك ماتصون الوداعه
بعته لخاطر هرج من كان يغريك
ـــــ لينه غدى وانت سبب في ضياعه
خلاك تتركني بوسط الشرابيك
ـــــــ اغواك واتقن فيك حرفة اخداعه
ماكنت اصدق كذبةً في تغويك
ـــــ تتبع هواء من شاع عني اشاعه
حطيتبي كل الردى من ترديك
ــــــــ وجزيت حبي جرم واللعن بشاعه
ماشر على الناقص انا شرهتي فيك
ــــــــ يومه كذب تنصت بحسن استماعه
صديت عني يوم انا اصرخ واناديك
ــــــــ خليتني وسط الخلا للسباعه
شلتك على متني طموحي اعليك
ـــــــــــ ترقى وانا وقتك اقاسي صراعه
ويومي وصلت بك ا لقمر جيت اناديك
ـــــــــ خليت قلبي زايدً باللتياعه
دمرت حالي ياعسى الله يجازيك
ـــــــ قدري نزل عند الاهل والجماعه
شهد زور بكذبةً صنعها ليك
ــــــــ ذعوبها بين البشر كالاذاعــــه
جور على جور الزمن جت بلاويك
ـــــــــ يالين ضاق(بي) الفضاء باتساعه
مير استمع مني وفتح اذانيك
ـــــــــ والله لاسد الدين واطوي شراعه
لوتجتمع ثنتين بالرجل تغنيك
ـــــــــ حيث الرجل وسط الوفا والشجاعه
لو زدت في هجرك لنا مع تغليك
ــــــــ هذل نفسي لك انا لي مناعه
لوك من كبار العرب والمماليك
ـــــــــ الله وهبني كنز يدعى القناعه
لاتحسبني بتبعك ذل وارجيك
ـــــــــ من عافنا (يحرم) علينا اتبااعه
دامك مقفي رح وانا ايضا مقفيك
ــــــــ وكلن يدور في زمانه متاعه
بكره تجي والله لاذلك وابكيك
ــــــــ ياهيه لاتامن من العمر ساعه
مادمت معلن للجفا في تحديك
ـــــــــ ابشر برجالً مشمر ذراعه
بكره يجيلك يوم انا فيه واطيك
ــــــــ واهين حبك دايسه وسط قاعه
بنهاك وارجع وابتدي فيك وانهيك
ــــــــ وخل التغطرس ينفعك واللكاعه

وسلامت قلوووبكم

بقلم / فارس المطيري