منتديات روعة الكون - --}{ ابيـــك ولا ابيـــك }{--

السلام عليكم ورحمة الله وبركاته

نعتذر منكم عن الغياب المفاجأ والذي خارج عن الاراده

وكم اتمنى ان تحوز هذي المتواضعه على اعجابكم

لـ تغفروا لي

رميتني بين الامل والياس مجروحٍ هناك
في عالم النسيان هايم والقصايد تحتريك

ما عادلي صبر على فرقاك وليال حلاك
فيها اذوق الموت ماتسمع وانا انادي عليك

يمرني فيها الحزن اشكال والوان وعساك
بعيد عن لون الحزن والشر جعلــه مايجيك

يكفي عذابي خلني ارحل وابعد عن سماك
كم لي وانا اشوف الزوايا كلبووها تشتكيك

ايوالله اني مارحلت الا لجل خاطر غلاك
واموت في اللحظه ميت مره ابيك ولا ابيك

لا تحسبنه صـد ولا خوف من هذا وذاك
ولا ابي شيٍ اشوفه في البشر ماهوب فيك

اصلا ً اشوف الكون كله مايساووي من حلاك
مثقــال ذره يابعد هذي وهذيه وذيك

تكفيني الذكرى ليا مرت بأطلالي معاك
تحركت في بحرها كل المشاعر تهتــويك

اسمعك واشوفك على شاشات قلبٍ ماجفاك
واروي ضماه وينسى عمره مبحر في ناظريك

قلبٍ كسرته لو طلبت انفاسه ونبضه عطاك
يعطيك وانت اللي عطااك يساوي العالم هاذيك

اندم على عمرٍ مضى واللي بقى جعله فداك
رايح ولا ادري هو في يدها ولا رايح في يديك

دنيا كذا جعل الله يباعد عناها عن خطاك
لا ارضها ولا سماها تساوي الضحكــه بفيك

يا أغلى ناسي يالجفول الله يرضالي علاك
والله لاموت ومنزلك عـالي وقلبي مانسيك

بدل همومك بأبتسامه واحذف الدنيا وراك
بسمه قتيله لاتمــوت وتبتديك وتنتهيك

ايوالله ان اوراق قلبي تحترق وانا هناك
اسمح لي ارحل واحرقه بعيد يرحم والديك

وسلامت قلوبكم

اخوكم
بدر بن تركي