|
اتمنى تفيدوني في القافيه
السلام عليكم ورحمة الله وبركاته
...أخواني وأخواتي أنا أنسانه أكتب أبيات من الشعر لكن ما أقدر أنظم القافيه يقولون مكسره الابيات... مع العلم أن آخر البيت يكون بنفس الحرف >>> يا ليت تفيدوني كيف أقدر أنظم الأبيات<<< وعندي مشكله معقدتني لما ألقي الأبيات على أحد تدرون وش يقولون >>>من وين جا يبتها من أي مجله ولا من أي شاعر من وين نا قلتها<<< أختكم : رهـــــ المشاعر ـــــف |
طيب سمعينا بيتين لك على الاقل علشان نحكم |
تامر أخوي وضح النقى
الندامه ماهي على حبيبا ما بادلك الشعور ولا هي على حبيبا عطيته وخلاك لا تندم ألا على شخصا عطاك حبه بليا حدود وصديته وشربته المر من خطاياك يطول النص عاد وهذول بيتين ثانيات العـــله الي فيني مــــقدر أعبر لك عن الي حــــارقن قلبي ومـــنزل دمعـــات عيني.. لكن الي أقدر أقوله أني على وصلك يرتاح بالي وتضحك لي الدنيا ولا تضيق فيني.. أتمنى الردود بأسرع وقت |
الاخت العزيزة رهف ما يامر عليك عدو الندامه ماهي على حبيبا ما بادلك الشعور ولا هي على حبيبا عطيته وخلاك لا تندم ألا على شخصا عطاك حبه بليا حدود وصديته وشربته المر من خطاياك هالبيتين اعجبوني كثير ويدل على فكرك النير لكن للاسف الابيات ماهي موزونه الوزن يعتبر لحن تلحنين فيه الابيات بشكل مستقيم هو انك تستخدمين لحن معين وبسيط بحكم بدايتك وتلحنين به ابياتك مبتدئه بالشطر الاول من البيت الاول إلى خاتمه القصيده المهم ان يكون اللحن منتضم اما بخصوص القافيه بضربلك مثال لبعض قصائدي يانجم ياللي بالسما فوق ضافي نور القمر شفي لو النجم لاحت اكتب على وضح النقى شعر صافي يوم روحي وسط الاضلاع فاحت لاحضي الشطر الاول ( يا نجم ياللي بالسما ) القافيه الاولى ثلاث حروف وهي ( أ ، ف ، ي ) اما الشطر الثاني للبيت الاول ( نور القمر شفي ) وما يسما بالقافيه الثانيه ثلاث حروف وهي ( أ ، ح ، ت ) وينطبق الكلام هذا على البيت الثاني وجميع ابيات القصيده ولأنه من شروط الشعر وقصيده لي اخرى اقول فيها تعال نذكّر الليل ونجومه والقمر مشكور بأحلى ايام مرّت في سطور العمر مكتوبه على وضح النقى كنّا على متن السحاب طيور ثنين وكل محبوب ملا بالشوف محبوبه سقاك السيل ياهاك الليالي ياشبيه الحور تذكّر يوم كلٍ يمسح دموع الغلا بثوبه تعال الا تعال الا تعال وضمّني مخطور على قلب العنى تزداد نار فيه مشبوبه وليس مهم عددهم ربما في بعض القصائد تكون قافيه الشطر الاول حرف والشكر الثاني حرفين المهم ان تكون نهايت الشطرين متشابه اتمنى اني افدتك ولو بي الشي البسيط لك أعـــذب التحــايا |
هلابك يارهف المشاعر
وابشـري بالخـير في تنقد الابيات ، اختــي الله لايهينك انتي كتبتي بيتين من قصيده في الاول وكتبتي بيتين من قصيده في الثاني ،، طبعاً / القاف في البيتين الاولى خطاء ؟ الندامه ماهي على حبيبا ما بادلك الشعور ولا هي على حبيبا عطيته وخلاك تندم ألا على شخصا عطاك حبه بليا حدود وصديته وشربته المر من خطاياك شوفي الشطر الاول من البيت الاول ؟ اخر كلمه هي (( الشعــور )) وشوفي اخر الشطر الاول من البيت الثاني اخر كلمه هي (( حدود )) طبعاً القاف هنا يختلف نطقاً وكتابه شعور ليست مثل حدود شعور لها امثال كثيره منها جمهور وحضور وسرور وغرور والكثير اما حدود مثل جدود وخدود و مقصود وامثال كثيره على نفس القاف ،، هنا يعتبر البيت خاطى ومخالف لشروط الشعـر وتعتبر القصيده ليست بقصيده لانها اختلت من اهم شرط في الشعـر وهو القاف ،، اما الوزن طبعاً البيتين كلها ليست على وزن وهذا الشرط الثاني المخالف لشروط القصيده العموديه المقفاه ،، ويعتبر هذه خطا في القاف والوزن ؟ وش الوزن وماهو الوزن ؟ << يمكن ودك تسالين السؤال هذه الوزن هو لحن البيتين الي قبل شوي ليست على لحن معين يعني لو غنيني البيتين راح يطلع واحد طويل واحد قصير وانا عندي لك نصيحه ابحثي لك على اغنيه سهله حافظته واكتبي عليها قصيده واذا شفتي ان الاغنيه ماركبت على لحن الابيات الي كتبتها يعتبر كسر في ابياتك او طلع البيت نشاز وانتي تغنين يعتبر كسر او صار ثقل في صوتك وانتي تغنين البيت يطلع كسر ايضا كذا تعرفين ان البيت مكسور ،، ولكن اذا طلع البيت صح على نفس الاغنيه الي كتبتي عليها ابياتك يطلع بيتك موزون ،، << هذا هو الوزن فهمتي يا انسه اما البيتين الاخيره الي كتبتيها ،، العـــله الي فيني مــــقدر أعبر لك عن الي حــــارقن قلبي ومـــنزل دمعـــات عيني.. لكن الي أقدر أقوله أني على وصلك يرتاح بالي وتضحك لي الدنيا ولا تضيق فيني البيتين هذه القاف روعه وصح قافك اعبرلك في الشطر الاول << مقابله >> اوصلك هنا القاف ابدعتي فيه واحسنتي تجاوز الشطر الاول في شروط القصيده المقفاه ،، وايضا العجز في الشطر الثاني من كل بيت عيني << مقابله << فيني <<< شوفي نفس القاف ونفس النطق وهذا صحيح يعتبر القاف اما الوزن لا خطاء بالوزن لان البيتين كلها مكسوره ولييست على لحن واحد ،، هكذا اجتزتي مرحلة القاف وباقي الوزن ومع كثر الممارسه في الكتابه ،، وحفظ اللحان ومعرفة البحور الشعريه راح تجاوزين مرحلة الكسر باقرب وقت انشالله شدي حيلك وصح قلبك على الابيات العذبه يكفي احساسه وشعوره تصل الينا ومع الوقت راح نشوف احساس وشعور وقصيده وزن وقاف ،، تحيتي لك خـالد الدوويش |
مشكورين أخواني
وضح النقى خالد الدويش <<ى النقد>> تصدق أخوي خالد لما قلت القافيه الثانيه صحيحه صفقت لنفسي |
مرحبا اخوي وضح النقا
انا لو ادري تبي ترد ما رديت وفيت وماقصرت في شرحك لها بس عندي لك ملاحظه وانا اخوك وانت شاعر ويمكن طاحت سهوو ؟ يانجم ياللي بالسما فوق ضافي نور القمر شفي لو النجم لاحت اخوي وضح النقا النجم لاح والا لاحت ؟؟ النجم مفرد والمفرد لايطلق عليه صيغة الجمع ؟ نور القمر شفي لو نجوم لاحت << كذا تعتبر صح لاحت لان لاحت تطلق على نجوم وليس نجم ولو انه يثقل البيت ولكن بغيت اوصل لك الفكـره وكلنا نستفيد من بعض في هذا الصرح اكتب على وضح النقى شعر صافي يوم روحي وسط الاضلاع فاحت البيتين هذه على بحر المسحوب ،، بس العجز في الشطر الثاني ،، لو كتبت يوم(ن) روحي وسط الاضلاع فاحت اقراها بالتنوين واقراءه بدون تنوين وش يظهر لك ؟؟ مجرد تنويه اخوي ولاهنت |
اقتباس:
مرحبا اخوي خالد ومرحبا بنقدك اخوي خالد انت استعجلت تقول الاصح ( نور القمر شفي لو نجوم لاحت ) ما تلاحظ ان نجوم سبب كسر البيت ؟؟ ولو انك شددت النون بـ النّجم وقريتها بهذا السياق ( نور القمر شفي لو النّجم لاحت ) لعرفت ان المقصود ليس النجم المفرد وانما الجمع اما بخصوص البيت الثاني اكتب على وضح النقى شعر صافي يوم روحي وسط الاضلاع فاحت البيت مستقيم ولا به عذروب عجز شكراً على مداخلتك وعلى الرحب والسعه لك أعـــذب التحـــايا |
اختي رهف صح بوحك
واخوانتس كفووو وووفو وصح السانك اخوي وضح النقا عالابيات ولاهنتوا كلبوكم دمتم |
هلابك وضح النقاا
انا ادري بان نجوم تكسر البيت وقلت هذا في ردي الله يطول في عمرك عليك لو ترجع تلاحظ فوق نور القمر شفي لو نجوم لاحت << كذا تعتبر صح لاحت لان لاحت تطلق على نجوم وليس نجم ولو انه يثقل البيت ولكن بغيت اوصل لك الفكـره وكلنا نستفيد من بعض في هذا الصرح اقراء وش كتبت ولو انه يثقل البيت ولكن بغيت اوصل لك الفكره <<< يعني قلت انه يكسر بس انت كتبت النجم لاحت بدون تشديد وانا قرائتها وحكمت على النص الامامي ولو اني ماني مقتنع في التشديد ولكن وجهة نظر احترمها |
| الساعة الآن 10:49. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون