منتديات روعة الكون - يابعدهم كلهم ../ عندي سؤال :

يابعدهم كلهم ../ عندي سؤال :
جاء مجاله لو سمحتـي بسألـه
يازهور الروض ياكنـز الجمـال
يابعـد كـل الوجيـه المخجلـه
الحقيقه .. مانبي نسـج الخيـال
منتظر ردك علـى نـار الولـه
جاوبيني واحكمي بحسن وعـدال
من هواكم .. عندكم له منزله ..؟
كم سهرت الليل وايامـي طـوال
إلا ليلك ياعذابـي مـا أطولـه
منتظر واخاف من ريح الشمـال
تبعـدك عنـي وحلمـي تقتلـه
وبصراحه .. كم سعينا بالوصال
ومن نوى درب الوفاء لا تزعله
لا تقولين إنا في عصر المحـال
وينتهي المشوار وحنـا بأولـه
ولا تصـدق كـل ماعنـا يقـال
شي غامض في ضميري تجهلـه
ياعديل الروح ياصعـب المنـال
ياشقـى كـل السنيـن المقبلـه
منتظر في كلمتك نـور الهـلال
ولو تجاملني .. / تراها مشكله .