[ لبيــه ] منِّك غير .. لمَّا أناديك
 

http://www.elmaha.com/vb/uploaded/4249_1196908410.gif


تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك

لا يا حبيبي .. الزمن لا يخليك
تقسى على قلبي وتسقيه سِمِّك

دنيـاك هذي , لا تغيِّر مباديك
مهما إستطعت الظلم إعدل بحكمك

ما هي غريبه من يذمِّك يماشيك
لكن غريبـــه يمدحك من يذمِّك !!

ما كل واحد غاب معناه ناسيك
بعض البشر ينساك لو كان يمِّك

أدري تعزني .. اللـه يعز غاليك
وإن كان لـي عندك معزَّه بضمك

في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك

إسمك حبيبي ويا كثِرها أساميك
وقلبي يفز .. لا جابوا الناس إسمك

ليتك تحس في ضيقتي يوم أحاتيك
أحرق لك أعصابي .. وما حَس دمِّك

غايب بدون أعذار .. ربِّي يجازيك
عطني سبب مُقنع حبيبي .. وألمك

همِّك , جنونك , ضحكتك , كل ما فيك
صوتك , سكوتك , وأرجع أقول: همِّك

طيشك , عنادك , لما تزعل وأراضيك
ترسم ملامح ضحكتي .. وتمحي رسمك

[ لبيــه ] منِّك غير .. لمَّا أناديك
كن الكلام العَذب ... مرساه فمِّك

مهما غلوك قلوب ناسٍ حواليك
أغليك أكثر منِّهُم بس .. لعلمك

أبوك , خالك , إختك , أخوك , ماضيك
ربعك ، جميع النـاس , وعيـــال عمِّك
.
.
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك



من روائــــــــــــــــــع الشاعر
( احمد الصانع )




http://www.elmaha.com/vb/uploaded/4249_1196908566.gif

لاهنتي على النقل


وصح قلب شاعرهاااا


وبيسلم قلبكـ


تحيتــي


خــالد الدويــش

ابو رغد
الله يسلمك
مشكور على المرور
لاتحرمنا من طلتك00000000000

[ لبيــه ] منِّك غير .. لمَّا أناديك
كن الكلام العَذب ... مرساه فمِّك

......صح لسانك يا ذوووق.....وتسلميييين ع الابداع المتواصل....

دمتي بخير

حررف
صح بدنك
ومشكووووووور على مرورك0000000

مهما غلوك قلوب ناسٍ حواليك
أغليك أكثر منِّهُم بس .. لعلمك

أبوك , خالك , إختك , أخوك , ماضيك
ربعك ، جميع النـاس , وعيـــال عمِّك
.
.
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك


رووووعه اختي مشاعل ....

وتسلمي على هالقصيده الرووووعه ...

تقبلي مروووري ...

ودمتي بوووووووووووووووووووووود