|
يقول من عـدا علـى راس عالـي
إهداء خاص لمنتديات الكون ولمن دعاني إليها
يقول من عـدا علـى راس عالـي رجم طويـل يدهلـه كـل قرنـاس في راس مرجـوم عسيـر المنالـي تلعب به الأرياح مـع كـل نسنـاس في مهمه قفـر مـن النـاس خالـي يشتاق له من حس فالقلب هوجـاس قعدت فـي راسـه وحـدي لحالـي براس الطويل ملابقه تقـل حـراس متذكـر فـي مرقـبـي ماغـدالـي وصفقت بالكفين يـاس علـى يـاس أخـذت أعـد أيامـهـا والليـالـي دنيـا تقلـب ماعرفنـا لهـا قيـاس كم فرقـت مابيـن غالـي وغالـي لوشفت منها الربح ترجـع للأفـلاس يامـا هفابـه مـن رجـال مدالـي ماكنهم ركبوا علـى قـب الأفـراس ولاقلطوهـن للكمـيـن المـوالـي ولاصار فوق ظهورهن قطف الأنفاس ولارددو صـم الـرمـك للتـوالـي كل يبي من زايـد الفعـل نومـاس من بينهـم سمـر القنـا والسلالـي مثل البـروق برايـح ليلـه أدمـاس يقطعـك دنيـا مالهـا أول وتـالـي لو اضحكت للغبن تقرع بالأجـراس المستريح اللـي مـن العقـل خالـي ماهو بلاجـات الهواجيـس غطـاس ماهـوب مثلـي مشكلاتـه جلالـي ازريت سجلهـن بحبـر وقرطـاس حمـل ثقييـل وشايلـه باحتمـالـي وأصبر على مر الليالـي والأتعـاس يابجـاد شـب النـار وأدن الدلالـي واحمس لنا يابجـاد مايقعـد الـراس ودقـه بنجرياظـريـف العيـالـي يجذب لنا بع علـى أكـوار جـلاس وزله إليـا منـه رقـد كـل سالـي وخله يفـوح وقنـن الهيـل بقيـاس وصبـه ومـده ياكريـم السبـالـي يبعد همومي يـوم أشمـه بالأنفـاس فنجـال يغـدي ماتصـور ببـالـي ورابع تضرب به أخمـاس بأسـداس لاخـاب ضنـي بالرفيـق الموالـي مالي مشاريـه علـى نايـد النـاس لعـل قصـر مايجيـلـه ظـلالـي ينهـد مـن عالـي مبانيـه للسـاس لاصـار ماهـو مدهـل للرجـالـي وملجاً لمنهو يشكي الضيـم والبـاس بحسناك يامنشـي حقـوق الخيالـي ياخالق اجنـاس ويامفنـي أجنـاس تجعـل مقـره دارس العهـد بالـي صحصاح دو دارس مابـه أونـاس البـوم فـي تالـي هدامـه يلالـي جزاك ياقصر الخنا وكـر الأدنـاس متـى تربـع دارنــا والمفـالـي وتخضر فياض عقب ماهيب يبـاس نشـوف فيهـا الديدحـات متوالـي مثل الرعاف بخصر مدقوق الألعاس زينثر على البيـدا سـوات الزوالـي يشرق حماره شرقة الصبغ بالكـاس وتكبـر دفـوف معبسـات الشمالـي يبني علهن الشحـم مثـل الأطعـاس هذه من اروع القصائد ل محمد احمد السديري رحمه الله وسلامتكم |
صح لسانك ولسان شاعرهااا......احب القصيده ذي وربي روعه...
تسلم.. دمت بود حررف |
بسمـ اللهـ
السلامــ عليكمـ اخيـ الرائعـ والراقيـ والهائلــ \\\\الهائلـ\\\ لقد أبدعتـ هنا بكلماتـ وابياتـ رائعهـ وهائلهــ ... لا يسعنيـ القولـ سوى ((&&إستمر و تمنياتيـ لك القلبية با التوفيقـ والنجاحـ فيـما تخطـ من إبداعاتـ قلميهـ &&)) دامـ نبضـ قلمكـ الراقيـ ودمتـ كما تحبـ أيها **الهائلــــــ** تقبلـ ارقـ واعذبـ التحــــــــــــايا أختكــ ومحبتكـ: أرجوانـــــ الغيمـــ |
دمت بود وتقبلـ إحتراميـ
|
لاخـاب ضنـي بالرفيـق الموالـي مالي مشاريـه علـى نايـد النـاس لعـل قصـر مايجيـلـه ظـلالـي ينهـد مـن عالـي مبانيـه للسـاس ابداااااع من جد من اروع القصائد الي انكتبت يعطيك العافيه خيو والله يرحم قايلها |
الهائل
حياك الله بمنتديات روعة الكوون نورتنا وصح بوحك ولاهنت دمت بود |
اقتباس:
حروف هو كذلك الحب روح تسري داخل الجسد وبدونه لا معنى للحياة شكرا لحضورك المتوهج تحياتي |
اقتباس:
بوحــ في حضورك ذرات عطر منعشة شكرا لهذا الإطراء الحاتمي وارجو أن يكون بي بعض مما ذكرتي ودّي وتقدير لشخصك الهائل |
اقتباس:
في حضورك ذرات عطر منعشة شكرا لهذا الإطراء الحاتمي وارجو أن يكون بي بعض مما ذكرتي ودّي وتقديري لشخصك الهائل |
اقتباس:
ياحبي لنفسي الروعة تجلت في حضورك البهي وإطلالتك الساحرة مودتي الهائل |
| الساعة الآن 06:09. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون