|
بنات السعودية قضية هامة
كان يا ما كان
قبل 10 سنوات او حولها كنا لما نمشي في ديرتنا ونشوف اجنبيه فاتشه تطير عيوننا .. نقول وش هذي .. يا ساتر .. كان يا ما كان قبل ثلاثة ايام افتح ايميلي واشوف رساله من قروب مشهور... صور لبنات ويتفاخرون انهم سعوديات السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها مثال .. صورتين لـ 6او 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات).. ،،،،،،،،،،،،،،،،،،،،،،،،،وكلام مشفر لانالوضع في الصورة مخزي قله الحيا هذي مهيب مقبوله!! 10 سنوات فتره موب قليله .. كيف وصلنا لهذي الدرجه من فراغ الاخلاق . ؟؟ الصيف اللي راح.. للأسف غلطنا ورحنا لدوله عربيه مع الحرص الشديد الحمد لله للابتعاد عن اماكن الفساد .. لأن يوجد فيها فساد اكثر من الدول الغير عربيه صراحه!! ويلومننا ليه نكره الدول العربيه! رحنا لمطعم سقيم..طلع فيه واحد عالستيج.. ومسك المايك وقال((احلى تحيه لشعب السعوديه)) وتصفيييييييييق..!! لحقونا بعد شوي الشعب الاماراتي والكويتي.. بس السعوديه عادها يمكن 6 مرات.. جلست افكر.. ليه يعني حنا اكثر؟؟ فكرو فيها شوي.. لين يخلص الموضوع بعدين جاوبو.. ...... ارجع الحين لصلب الموضوع.. ليش صرنا نشوف صور كثيره.. وعناوين الصور((سعوديات..سعوديات..سعوديات)) لو نتفرج عالصور.. نلقى رجول.. نلقى جزم! نلقى اساور خضرا<<يعني ترا حنا سعوديات.. والفيس بوك عاد..والهاي فايف.. انواع الصور اللي مدري وش اقول عنها شفايف.. ........ عيون.. ونادر ما تلقى وحده حاطه وجا.. على فكره.. اللي تحط صوره وجا,, محترمه اكثر من اللي ترزز اشياء ثانيه!! يعني عشانكم تتغطون..تروحون تصورون ذا الصور..! تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف مضحك مر فيه..موقف مؤثر.. او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟ ااذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!.. ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا.. وش هالفضاوه في العقل لدرجه انكم تصورون يدينكم.رجلينكم.. ((شنطكم الماركه)).. يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو.. بس ان الوحده تجي تصور مقفاها.. هي وخوياتها.. وكاشخه بالجي سترينق!! والمنتديات والقروبات السعوديه تتسابق لنشرها .. الدال عالخير كفاعله.. والشر بعد.. بعدين انتي ياللي مصوره انتي وخوياتك.. يعني انتي همك الوحيد ما يشوفون وجهك عشان محد يعرفك.. بس مقفاك.. شفايفك.. و،،،،،،،،،، عادي يشوفونه!! لأن المهم عندك الناس.. موب الله؟؟ طيب صورتك قدام نفسك طيب؟؟ ما تهتز انك سويتي شي حقير ووضيع مثل هالشي؟؟ اصلن اصلن.. كيف صورتو صوره زي كذا.. يعني ما استحيتو من بعض يا بنات؟؟ عيب يعني..يعني عشانكم بنات مع بعض عادي تورون بعض يعني؟؟ ولا اقولكم..انا نسيت انكم ناشرين الصور للعيال..فما يهمكم البنات.. يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا.. ودي اعرف امك..وابوك..وش بينظرون لك بعد ذا الصور؟؟ يعني حرام..اهلكم ربوكم احسن تربيه.. بس انتم للأسف ما ربيتو انفسكم.. فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!! ولا قروب ثاني سعودي برضو..والصور اللي ناشرينها.. ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..! طيب؟ وبعدين؟؟ ابي افهم وش الهدف؟؟ مره وناسه؟؟ مره يضحك؟؟ ماااااااااااااااره كوووول انتم صراحه!! طبعن ترا الكلام موب موجه للبنات فقط.. لأن يوجد عندنا وبكثره رجال عقول فاضيه.. اللي همهم نوم واكل.. وفلوس ياخذها من ابوه ولا امه! تطورو شوي.. ارتقو شوي..اطلعو بصوره احلى من كذا.. انتم عارفين ان النت اكبر وسيله انتشار.. قبل فتره.. في ام بي سي فور.. تدرون ان في برنامج من برامجها عارض بروفايلات لبنات سعوديات.. باسماءهم.. طبعن موب اسماء حقيقه.. ! بس شوفو الصور انتم! شفايف و ،،،،،،،،،،، ومدري وشو.. علقو على هالشي باننا متكمكمين بعبايتنا عشان كذا نروح عن انفسنا بذا الطريقه.. ما تستحون؟؟ قبل الغرب اصلن.. صوركم قدام انفسكم!؟ ما تهتز؟؟ انشرو شي حلو,,حاولو تطلعون بشخصياتكم الحقيقيه.. موب تصيرون مثل الامعه اللي يسوي شي عشان يقلد الفنان الفلاني.. ولا البنت الفلانيه.. ليه بس تنشرون الشي الشين؟ انواع المقاطع الشينه تنتشر.. انواع الصور الشينه.. ليه؟ وش استفدت؟؟ غير الذنب والاثم.. انك خليت احد يشوفها.. وانك نشرت شي مو كويس عن المسلمين! اقولكم شي؟ شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا.. طبعن لفئه معينه من الناس.. بس تدرون ان الكتب تترجم لاكثر من 22 لغه؟؟ تدرون انهم برا يدرسون الكتاب فيه دوله من الدول يدرسونه؟؟ تخيلو؟؟ رجاء الصانع ما كانت تبي تنشر غسيل.. كانت تبي تفتح عيون الناس على اخطائهم.. وتصلح هالاخطاء.. يا حلّو الثقافه اللي يتثقفونها بس! يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في سلبيات,,!,,مثلا احنا الحين ندرس..روبنسون كروزو في الجامعه.. ع لى اساس انه نص انجليزي يمثل الحياه الدينيه والسياسيه الاجتماعيه في هذيك الفتره.. هم يدرسون (بنات الرياض) لتمثيل المجتمع السعودي! انا ما الوم رجاء الصانع على اللي كتبته.. بالعكس انا عاجبني الكتاب من إلى.. وكل اللي كتبته اشوفه بعيني عندنا.. وكل اللي سوو عليه ضجه.. هذولي يبون يعترضون لمجرد الاعتراض.. ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف!! ليه تنكرون كل اللي بالقصه وانه موب موجود! الا موجود ونص والدليل هاللي نشوفه بالنت والسوق والجامعه وكل مكان! رجاء الصانع تبي تصلحكم وتفتح عيونكم على اخطائكم.. لكن موب الغلط في اللي كتبته رجاء.. لكن الغلط في مخ كل من يقرا الروايه!! شلون الواحد يصلح مجتمعه؟؟ بأنه يكمكم على اغلاطه ولا يحكيها عشان ما ينفضح قدام الاجانب والناس! بس عادي يدشرون ويخربون وكل شي.. بس ما ينتشر عنهم شي! ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوددين= ناس طاهرين! غلط ! كل دوله بالعالم فيها الصالح والطالح.. البيت الواحد فيه الصالح والطالح.. ما تحبون احد يحكي فيكم ابد.. بالرغم من كل الاغلاط بحياتكم.. قبل فتره سمعت انهم رحلو هشوم الرياض.. الى ديرته الحقيقه(سوريا) وانه لا يمت للشعب السعودي بصله! كأن ما عندنا سعوديين من هالجنس!! ليه ما تصلحون ايميلات تعود لكم بالفايده؟وتحسن سمعتكم! وتظهر الجانب الحلو في كل سعودي وسعوديه؟ بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم.. وقالت انهم بيجمعون فلوس هي وبنات خالاتها.. وبيروحون يشترون العاب..وحلويات.. ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو,, فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!! شله شباب..اعرفهم بعد.. طبعن هم نجديين..طالعين لجده..في رحله بحريه..وصادو كميه لا بأس بها من السمك.. تدرون لو بيبيعون هالسمك.. كم يبيجب لهم؟ تقريبا 4 الاف.. بس هم كانت نواياهم اهم من الفلوس.. اخذو هالسمك وودوه لمنطقه فيها ناس فقرا.. وتصدقو.. برضو حمله تبرعات الراجحي.. ترا اكثر من تبرع فيها شباب.. ((المواقف مذكوره عشان ابين انو فيه ناس كويسه,,يعني ابين الجانب الايجابيه)) يعني فيه ناس تشتغل.. فيه ناس عندها اهداف.. موب بس بالنت.. حتى برا النت,, سواء بنات او شباب.. نبغى جيلنا السعودي الجديد ينتشر عنه كل شي حلو.. انا ما اقول انكم ما تنبسطون.. ما تسوون هبال.. بس برضو بحدود.. موب عشانكم ورا الشاشات يعني عادي؟؟ (هياط ورا الشاشه = مرض) الصور اللي من النوعيه اللي ذكرتها في البدايه.. بطلو تنزلونها النت.. بطلو تحطونها بالبروفايل حقكم.. ترا صدق يعني هالشي ما يبين الا فضاوه عقولكم..لأن هالبروفايل يبين شخصيتك.. اي احد يشوف هالصور..ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى!! وابي اتطرق لموضوع بيخش فجأه بس لازم اعلق عليه(( فضيحه بنت .. الخ)) هالنوعيه من الصور والفيدوهات.. ترا عليكم اثم لو نشرتوها.. حرام.. يعني ما تخافون من ربي؟؟ اولن نشرت شي حرام. ثاني شي ما سترت على بنت او ولد الناس.. ما تخاف ربي يفضحك بشي بعد سنه او 2 او 100!! قال الرسول صلى الله عليه وسلم(من ستر على مؤمن بالدنيا,,ستر الله عليه بالاخره) اتمنى ان موضوعي هذا ينتشر بنفس الطريقه اللي انتشرت فيها هالصور.. يهمني الموضوع ينتشر في المنتديات السعوديه.. اكثر من المنتديات العربيه.. لأننا نحاول نناقش قضيه سعوديه داخليه..ومافيه مجتمع ما يخلو من الاخطاء.. ابغى اذا احد قال((احلى تحيه لشعب السعوديه)) وعادها 6 او 10 مرات.. اعرف ليه قالها.. واقول معه حق.. . . . . تناقض المجتمع وتناقض الافكار ينتقل بصوره عجيبه! دمتم بود .. .. منقوووول مع تصفيق حاااااااااااااار لكاتبة الموضووع |
مشكوره اختي الملاك الحر على نقلك الموضوع الرائع
اللي اتمنى من الجميع قرأته لانه فعلا اللي قاعد يصير يقهر وكثير اشوف هالناس اللي تقولين عنهم واكيد ادعو لهم بالهداية |
الملاك الحر مع تصفيق حاااااااااااااار لكاتبة الموضووع أؤيدك في التصفيق للكاتبه ولك أختي لأنك تذوقتي الموضوع ونقلتيه كما هو أما من ناحية المناقشه سأكتفي بعبارة لاتعليق الله يعطيك ألف عافيه شيق بماتحتويه الكلمه من معنى |
.
. . . . . . °ˆ~*¤®§(*§*)§®¤*~ˆ°اميرة الورد°ˆ~*¤®§(*§*)§®¤*~ˆ° على قولك الي قاعد يصير يقهر ويطلع قرون بعد وكلنا نشوف لكن المشكلة اننا نسكت ونحن من قال الله تعالى عنا كنتم خير أمة أخرجت للناس تأمرون بالمعروف وتنهون عن المنكر وتؤمنون بالله غاليتي مُمتنةٌ جداً لحضوركِ الرائــع العطر / يعطيكِ العافيــــــــة ولايحرمنا من مرورك الكريم |
واللله من التخلف عندنا ولا حول ولا قوه الا بالله
|
.
. . . . . . °ˆ~*¤®§(*§*)§®¤*~ˆ°جفاف وردة°ˆ~*¤®§(*§*)§®¤*~ˆ° اخجلني اطرائك الرائـــــــــع وسعدت بمروركِ الكريم / يعطيكِ العافيــــــــة دمتي بود |
•·.·`¯°·.·• المـلاكـ الحــر •·.·°¯`·.·• فعلاً موضوع رائع جميل جداً بس فيه شويّة نقاط تحويليّة او تحويريّة من كاتبة الموضوع نفسه ..!! اقتباس:
اقتباس:
وهو ليس الحل كثيراً ما نسمع ان انكر الاصوات لـ صوت الحمير ..!! قضيّة تبي انسان يناقش بهدوووووء وليس (( بالصياح )) لأني حاس انها ترفع صوتها وهي تكتب او تتمتم او تكلم نفسها و وجا احمر وعيونها مبققه بدون ان يكون هناك تأثير لهذا كله على اصحاب الصور او اصحاب تلك الفعله ..!! اقتباس:
مع الحرص ورايحين مطعم فيه استيج ومغنين وراقصه ..!! شي جميل ..!؟!؟ اذا قال (( احلى تحية لشعب السعوديّة )) هل قامت واقفه ومعها العلم السعودي وترفرف ..!! اما كره الدول العربيّة فـ اللي اعرفه و كلكم تعرفونه ما يكره العرب والمسلمين الا اليهود والحقده ومن لايمت للاسره العربيّه بـ أي صله .. ومهما كان هذا نحن وهذا حالنا .. (( يقول المثل خشمك في وجهك لو انه اعوج )) ..!! ******* وجهة نظري وبكل امانه السلاح الذي ينغرس في صدورنا وظهورنا هو من صنع ايدينا (( والفهيم يفهم )) ..!! اذا كان قصد هذه الداعيّه الاصلاح فـ لتبدأ بنفسها وتعدل في حالها من خلال ما نُقل هنا ، الكاتبه تجاورزت عقلها واندفعت لـ ترمي الشتائم هنا وهناك دون عقليّة واعيه لانها فقدت تركيزها وادلهمت بمجموعه من الكلمات النابيّة (( << يمكن حرص منها )) بس هي تحاور عقول ناشئه مع احترامي وعقول مختلفة التفكير والمنطق والقبول ، وهذا ليس منطق انسانه متعلمه او واعيّة لديها هدف تريد ان تصل اليه لانها مع احترامي تملك حشو علم بلا عقل والدليل على ذلك انها اوصلت الفكره فقط ولكن تعبيرياً اوصلت صورة غير لائقه عن شخص يدعي الثقافه او يحاول ان يصل الى العقل الآخـر بطريقه سلسه..!! عليه ، لا ركيزه اساسيّة في توجيه نداء لـ فئه معينه في المجتمع تعدت الحواجز الطبيعيّه لـ كونها داخل مجتمع مترابط متماسك في الظاهر (( وهذه حقيقه ان الدول العربيّه تمر بضغوط جعلتها تلتهي عن بعضها )) ولكن من الداخل ما زال هناك امل في اصلاح الحال او ابقائه على حاله دون الوصول به الى هاوية اللا رجوع ..!! كل ما املكه الدعاء للجميع وانا اولكم بصلاح الحال ..!! قبل لا انسى رجاء الصانع من المشجعين على قيادة المرأهـ ..!! وهي من الف كتاب (( بنات الرياض )) << لا تعليق اذا كانت تعلم او تعرف جميع بنات الرياض ..!! وهنا اقف احتراماً لبناتنا العاقلات وان شاء الله جميع من في منتدانا يستحقون وقوفي ..!! وان شاء الله اللي خارجين عن الطريق يعودون وسوف اقف مرةً اخرى فهم بنات جلدتي ..!! اعجبني الموضوع واعتذر عن الاطاله دمتي بووووووووووووود اخوووووووووك محـــــمد |
الملاك الحر
يسلمووو على الموضوع انتي ما كتبتي هذا الموضوع الا من خوفك على بلدك وبنات بلدك وانا اشكرك جزيل الشكر عليه وانا معك بكل نقطه قلتيها الا في كتاب بنات الرياض انا قريت الكتاب فيه من الحقيقه شي مررره كثير بس مو كل الكلام اللي فيه صحيح وهذا ما فيه اصلاح للوضع اللي يعيشون فيه لان في اشياء مررره غلط ان الواحد يقراها واو يسمع عنها شي تقبلي مروووري ورأي خيتووو (( اختلاف الرأي لا يفسد للود قضيه )) |
.
. . . . . . °ˆ~*¤®§(*§*)§®¤*~ˆ°nsr4u°ˆ~*¤®§(*§*)§®¤*~ˆ° لاحول ولاقوة الا بالله ابلغ ماقلت اخي الكريم / يعطيكِ العافيــــــــة مشكووووووور على مرورك الكريم |
اقتباس:
ولكن الاترى معي انه اجحاف ان نحكم على شخصية كاتب من موضوع واحد او بضع كلمات ونقول انه اكبر منها وان كنت مثلك ارى تحيز واضح كما قلت ولو كنت نقلت المقال دون حذف أو تعديل لاتضحت تلك الصورة بشكل اكبر ولكني تركت بعض السطور التي تعبر فيها الكاتبه عن وجهة نظرها وان لم اتفق معها فيها في بعض الاحيانلكن الموضوعية تتطلب منا ان لانصدر احكام على آلاخرين فنحن ننقد موضوع لاكاتب وفكر لاشخص اقتباس:
اللغة الصوتية هي ماتترجمها مشاعرنا وأحاسيسنا عند سماع أصوات غير ملفوظة كالموسيقى والضحك والبكاء بينما اللغة اللفظية هي التي عبرت بها الكاتبة في مقالها هذا عن رؤيتها الشخصية التي لا نستطيع ننكر أنها أصبحت جزء من مشاهداتنا وأنت هنا تفرض أحاسيسك على هذه اللغة التي تحدثت بها عندما قلت )) لأني حاس انها ترفع صوتها وهي كمايتضح وكما ذكرت في آخر سطورك تتحدث إلى فئة معينة قد لاتصل إلى قلوبهم لو تحدثت بلغة الفلسفة والمنطق فاتخذت في ذلك نهجاً قريباً منهم وكما قال عليه الصلاة والسلام ( خاطبو الناس على قدر عقولهم ) وان كنت تراها منفعلة كما قلت فانا اشفع لها ذلك لغيرتها على دينها ولاتنسى قول رسول الله صلى الله عليه وسلم : إن الله يغار و المؤمن يغار ، وغيرة الله أن يأتي المؤمن ما حرم الله ) واسمح لي أن اقول هنا ان ماذكرته عن انفعالات الكاتبة تلك من صياح وخلافه بدأت اشعر انها باتت تنطلق عليك وانت تعقب على هذا المقال فعلى هونك يااخي ماهكذا تورد الابل ياسعد اقتباس:
ولكن جميعنا يعي ان الشخصية الخليجية تلفت انتباه الآخرين في أي مكان ليس هذا فحسب ولكن نستطيع ان نتعرف على الشعوب من أشكالها والوانها وثقافتها وأزيائها على سبيل المثال تمتلئ مملكتنا الحبيبة بالعمالة القادمة من شرق أسيا ولكننا نستطيع التميز بين القادمين من الهند أو الفلبين بل وأكثر من ذلك اننا أصبحنا قادرين على التميز بين الهندي والباكستاني رغم التشابه بينهم وكذلك الحال بالنسبة لدول الخليج ودائماً تكون السعودية في المقدمة لأنها الأكبر مساحة والأكثر شعباً والسعودية وشعبها اشهر من نار على علم ويوسفني ذهاب البعض لتلك الاماكن والشخصية السعودية عندما تتواجد بمكان لا تحتاج ان تعلن عن نفسها ولاتحتاج أن ترفرف بعلم لتلفت الانتباه إليها ،،،،،سأكتفي بهذه الكلمات هنا واترك لك بعض المعاني خلف السطور وأنا على يقين من أنها ستصل حتماً لمن يحمل مقدار وعيك اقتباس:
ابناء الدول العربية أنا لا اعذرها ولا ألومها ولا ابرر لها موقفها فهذا رأيها ولو كنت وقفت عند كل نقطة لكنت كتبت مقالاً آخر ولكنه سيكون مشوهاً لأنه سيكون استنساخ يبرر الكثير مما نراه ونقف أمامه في صمت مخزي ******* اقتباس:
فقد يكون السلاح الذي ينغرس في صدورنا وظهورنا هو من صنع ايدينا عندما يكون رب البيت أب غافل أو م لاهية تركت أبنائها في ايدي الخدم دون وعي ورعاية يكون السلاح الذي ينغرس في صدورنا وظهورنا من صنع ايدينا عندما تصبح السُلطة الإعلامية سلطة والفضائيات فضاحيات . يكون السلاح الذي ينغرس في صدورنا وظهورنا من صنع ايدينا عندما يغيب الوعي ويجتاح الجيل غزو فكري ويداهمهم انحلال خلقي في غياب وسائل التربية والتعليم قد ترى الكاتبه غير واعية ولكني اراها على العكس فقد أوصلت الفكرة كما قلت وان كانت أخطأت الطريقة فلا أظن الأمر يشينها إلى هذه الدرجة فالهدف اسمي والدين نصيحة وهي لم تدعي الثقافة وأنا اعلم وأنت تعلم انه ليس كل كاتب مثقف ولكني أرى انه من الرائع أن يجاهد الإنسان بكلمة حق بما يملي عليه ضميره وكم نحن بحاجة لمثل هؤلا اللذين ينقلون الواقع ولايزيفون الحقائق لنا اقتباس:
ولعلك لاتعلم ان القصة لم تكن عن بنات الرياض فحسب وان كان هذا عنوانها ولكنها عن فتيات جسدت من خلالها كل منطقة من مناطق المملكة وللاسف اختارت شريحة سيئة فقط وأغفلت جانب الإيجاب اما عن سؤالك ( ياامير الكلمة ) فاعتقد ان اديب مثلك يعرف ان الكناية احد الصور البلاغية التي يستخدمها القاص والاديب في كتاباته اخيرا أقول لك أخي الكريم يقول صلى الله عليه وسلم ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) وهذا ماحاولت الكاتبه أن تفعله فقل لي بربك ماذا فعلت أنت غير الهجوم عليها ؟ على العموم أشكرك على دعواتك واسأل الله أن يهدي الجميع لما يحبه ويرضاه اقتباس:
عموماً لاداعي للاعتذار اخي الكريم وجهة نظرك احترمها وتواجدك اسعدني و رأيك زاد الموضوع اثراءً دمت بخير |
| الساعة الآن 06:06. |
Powered by vBulletin® Version 3.8.7
Copyright ©2000 - 2025, vBulletin Solutions, Inc.
منتديات روعة الكون