منتديات روعة الكون - +.:: كيف تصطادين المعرس؟! ::.+

http://www.up.mn66.com/uploads/5da0194ce1.jpg

كيف تصطادين المعرس دون اللجوء الى الأساليب السقيمه من المغازلات والترقيم والتلميح الى ماله سنعو والترزز بالأسواق.....الخ

=أهم شي نشني على العجوز اللي حاطه عينك على ولدها ثم نفذي مايلي:

1-خليكي مع أمك ولاتروحين مع البنات وتيتهيبلين,اصبري عنهم كم شهر لين تتم العمليه.

2-امشي وانتي حاطه رأسك بين كتوفك ولاترفعيه أبد حتى لو عورك,وخلي الفقس دايما في متناول يدك.

3-كلمة خاله خليها دايما بلسانك,خاصه مع أم المعرس عشان تحس بنوع من التميز عن باقي العجايز.

#ملاحظه:لامانع أن تنادي عجوز ثانيه(ياخاله) عشان اذا مانجحت الخطه مع عجوزه نمبر(1) تنجح مع عجوزه نمبر(2) الاحتياط واجب وانا أختك.

4-اذا بدت أمك تتكلم ,انغزيها بكوعك عشان تدخلك بالسالفه حتى لو مالك داعي,تطبيقا للمثل(كثر الدق يفك اللحام) داريه المثل ماله داعي بس مالقيت غيره.

5-اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك أمهم عشان العجوز تاخذ عنك فكره انك حريصه على ذريتك.

6-كل ماأكلت أمك من أكله زينه خليها تقول :نفس الأكله اللي تسويها بنتي حتى لو الأكل من مطعم صيني أو م**يكي.

7-اذا جيتي تمدين ايدك توجعي وخلي أمك تقول:قايلتلك وانا أمك ماله داعي تنظفين جدران البيت الخارجيه(أقول نظفي غرفتك أول اللي تقولين ثايره فيها قنبله ذريه).

8-اذا تكلموا الحريم عن العرس,اكتمي نفسك لين تحمر خدودك,عشان يقولون البنت تستحي ومالنا حق تكلمنا عندها(بس لاتكتمي نفسك مره,أخاف تروحين فيها وأصير قتلت نفس بغير حق).

9-مهما كان موضوع الحوار حماسي لاتبدين رأيك خليك مثل البكمان لأن اللقافه تجيب أجل الخطه.

10-شعرك أفرديه لاتخلينه طاير ولا مجعد,مهما كانت الموضه لان العجايز مايدورون الا اللي شعورهم ناعمه.

11-اذا أدلت العجوز(أم المعرس المتوهق)بأي رأي سياسي لا وطني ولا اقتصادي وافقي عليه حتى لو انه ماسخ وماله داعي.

#مثال:تقول العجوز:بوش متقهوي عندنا البارح
قوليلها:وليه ماعلمتينا ياخاله نجي نساعدكم؟!

12-في العروس اضغطي على نفسك واقضبي أرضك ولا ترقصين,واعتبري الرقص عيب وشق جيب.

13-اذا جا طاري السوق,وهو لازم يجي لانه ملح الجلسه عند الحريم,خلي أمك تقول:بناتي مايحبون يطلعون السوق,ابوهم يجيب أغراضهم.

=الحين بتكون العجوز وقعت بالفخ.

نروح للمعرس الحين.

1-اهجدي ببيت أهلك ولاتطلعين واذا جا المعرس بيشوفك خلي ابوكي يقول:والله ودي تشوف البنت بدون ماتدري عشان تاخذ راحتك وانا عمك,وبعد تشوفها ع الطبيعه ماتقول غشيتوني.

2-قبل يجي اليوم اللي بيشوفك فيه بحوالي اسبوع أو أكثر(حسب شين الوجه)طامري من صالون لصالون صبغ فرد تنظيف بشره......الخ

3- اذا جا المعرس يشوفك خلي اخوكي يوقف جنبه عشان مايطيل النظر ويبان المستخبي,وذلك تطبيقا لنظرية(اللمحه ذبحه)

4-في نهاية المشهد خلي ابوكي يقول:معليش وانا عمك ترى البنت محيوسه شوي(معليه يااشايب تنصب على هالمسكين).

وبها اللحظه الولد بينط على راسه ويبوسه لين يشفط مخه,وبيقول:متى العرس ياعم؟

(تحذير مهم)
#ابتعدي عن امهات العيال المتعلمات,راعيات الشنطه نفس لون الجزمه
هذولا يبغالهم خطط بعيدة المدى.

@

هيك و بس