لا صرت بايعني .. أشوفك على خيـر
 

--------------------------------:sm207:------------------------------------------------
لا صرت بايعني .. أشوفك على خيـر
مـع السلامـه دام مابـه .. سلامـه
قلت : إنتهينا قلت لك : .. خير يا طير
ماني بأول شخص .. يخسـر غرامـه
محذّرك من قبلهـا ألـفْ .. تحذيـر
لا عفتني ! بيعيـف قلبـي / هيامـه
مانيب ميّت لا .. ولا أحتاج / تبريـر
صـحْ الله لسانـك .. ووفْـر كلامـه
بسمْعك حبْكه .. وفكـره .. وتصويـر
وأفهم عدل يـا مدْعـي .. بالفهامـه
وجه الشعر ! أبيض .. ويحتاج تغيير
ودّي تزيّـن هالقصيـده .. عـلامـه
ماضيك الأسود بأذكره دون .. تقصير
كذا يكون بخـدّ ه/الشعـر .. شامـه
يصدق معي تعبير .. ويخـون تعبيـر
يا ضيعتْ الشاعر .. بوقت إنسجامـه
يمكن خطأ ! أدوّنك بالشعـر .. ميـر
لو ما أحترمتـك للغـرام .. إحترامـه
ما كان حبْك غير .. بس طعنتك ! غير
علّمتنـي معنـى النـدم ! والندامـه
ما جاك منّـي أي زلّـه .. وتقصيـر
وكل ما خطيت أعاتبـك .. بإبتسامـه
حسبي على الذكرى إذا .. هبّة عصير
ما عاد تنفـع شرهتـي .. والملامـه
البال ضامي وقتها .. والحـزن بيـر
خسرتك وهمّـي كسبـت .. إهتمامـه
والليل .. فازع لك كذا ! جاني مغيـر
ظلمتنـي .. وأكثـر ظلمنـي ظلامـه
لا أقبل عليّ أوحيتْ .. صوت المسايير
وفزّيت .. كل ضيـفٍ أقـوم بمقامـه
وإليا عزم هالليل .. ضيقه / وتفكيـر
قلّي بربْـك كيـف بقـدر .. أنامـه؟
مافيـه داعـي للعتـبْ .. والمعاذيـر
الغدر .. خال "الجرح" / وأطيبْ عَمَامه
أمّا يجيب الله مطر // تالـي وخيـر!
وألا السلامه ماش .. مامـن سلامـه



اتمنــى ان تناال على اعجاب الجميع

تحياتي لكم شاعر من الخبر

مافيـه داعـي للعتـبْ .. والمعاذيـر
الغدر .. خال "الجرح" / وأطيبْ عَمَامه
أمّا يجيب الله مطر // تالـي وخيـر!
وألا السلامه ماش .. مامـن سلامـه.


صح لسانك اخوي ولاهنت
قصيدة عانقت السماء بروعتها وجمالها ..
وفي الأخيرتقبل خالص شكري واحترامي.

سفيرالألم