|
في وجا خلطة 00 وما صنعنا شطة
- في وجا خلطة 00 وما صنعنا شطة -
لا أنت أخوي لا لعبت ببنت حوه = وتقط فراغ دينك لها في الشنطه مسلمه عفيفه رقيقة في الخطوه = لا تضيعها بطيشك وتقول غلطه ياخي تزوج أربع والله أنها أشوه = وأن كنت رجل نشاطك فيهم حطه البنت حشمها بدين ودينك أروه = ولو فيك عيب بالأدب غطه أمك وأختك ما قد أهديتهم ورده = والهدياء للبنات والهدف في الخطه البنت مسكينه وسكينك لها شهوه = تفكر بس كيف تفترسها بقلطه تحسبك أمين وفيك حياة السلوه = وقلبك خبيث لا شبع منها قطه وشلون حياتك وأنت بليتها ببلوه = خاف ربك قبل ما تخاف الشرطه بنات اليوم بعضهم ما تبي غطوه = تبي الكل يشوف في وجا خلطه تحسب جمالها بياض والعقل رغوه = ما درت بفتنتها مصيرها زقطه من شباب يبيعونها وخلوها شروه = كأنها دجاجه وأن غلوها بطه الرجوله ماهي صيدات يا نخوه = تجيك بنت بكره تستقبلهم بنطه خلك ذيب بالشهامه لاتكون هقوه = وتكشخ وأنت ماتمشي ألا بقطه تسلح بالعلم لا تقول باقي توه = الغرب دمرونا وماصنعنا شطه أشغلونا تقنيات وتقنيتنا النقوه = أوقاتنا تضيع وأيدينا لها فرطه هذي الحياه أفهمها تكون حلوه = وكل من حولك بالخير أعطه أشتكي لله و لوحده كل شكوه = من عقول برذيله صابها جلطه ( الحقوق الفكرية والادبية محفوظة ) لسيف الشعر أبوإياد الشمهاني 1 - 7 - 1428 |
سيف الشعـر
مع احترامي لك لم اجد ابيات شعر يستحق لقب سيف الشعـر وانا استغرب كل نزلت ديوان صوتي وانت لا تجيد حتى الوزن في القصيده حاولت ان اقتبس صوره شعريه واحده لكي اشيد بها لم اجد كلامي هذا ليس تقليل في شاعريتك انما رايت توقيعك ومن فتره اراقب قصائدك ولم اجد سوى مستوى بدائي في الشعر انا راح اوضح لك واوضح للجميع لا أنت أخوي لا لعبت ببنت حوه = وتقط فراغ دينك لها في الشنطه مسلمه عفيفه رقيقة في الخطوه = لا تضيعها بطيشك وتقول غلطه وش دخل الدين يقطه في شطنه ؟ على اي اساس حكمت على ان الدين قطه في شنطه ؟ انا ادري قصدك الرقم بس اخطيت في توظيفها ،، مسلمه عفيفه رقيقه في الخطوه <<< انا والله ماعرف وش تقصد ؟؟ وش دخل مسلمه عفيفه ؟ بعدين دخلت في رقيقه في الخطوه ؟؟ الرقه في الخطوه يدل على الاسلام والعفه ؟؟ لا تضيعها بطيشك وتقول غلطه <<< هنا استرسالك للبيت خطى كبير بعد مسلمه عفيفه رقيقه مدري وشلون حستها في تضيعها في طيشك ،، ابو اياد بصراحه انا انقدك لكي افيدك انت كبير في العمر من خلال صورتك بالتوقيع ومثلك مايحتاج الى مجامله لكي نشجعه على الشعـر انا لو ابي اتطرق الى بيوت القصيده والله لاطلع ان كل الابيات استرساله كان في غير محله بس حاولت تعسف القاف على حساب المعنى هذا غير الوزن في القصيده لانه يخلف الله عليه ؟؟ في البيت هذا تناقض كبير بنات اليوم بعضهم ما تبي غطوه = تبي الكل يشوف في وجا خلطه خلطه والا مكياج ؟؟ وبعدين قبلها تقول مسلمه عفيفه ورقيقه والحين طلعت ماتبي غطوه ابو اياد انصحك تقراء للشعـر كثير وتفهم صيغة المعاني وحاول تركز على اللحن والوزن وانشالله انك راح يمشي سوق شريطك دمت بود |
اقتباس:
أهلا بك أخي الكبير أولا أنا لست الشاعر أبوإياد الشمهاني ثانيا أن مسجل بأسم سيف الشعر وهو لقب الشاعر ومصنف اعلامياً أخي القصيدة طرحت كثيرا في منتديات ولها جمهورها ومحبيننها وفكرتها وهذفها جميل بصراحة نقدك يدل على عدم أستعابك للقصيدة وأن كنت تركز على الوزن التي هي البحور الشعرية النبطية التقليدة التي قد أهلكت الشعر للأسف وكل من حفظ البحور الشعرية أصبح شاعر وهذا خطأ الشاعر ابوإياد له فن في الشعر له جمهوره ومحبية فله أسلوبة المنفرد في كتابة النص وهذا ما شهد له الكثير وربما قد تستغرب من قصيدته والسبب لانك متأقلم على الشعر التقليدي ولك العذر في ذلك فلا تتعب نفسك مع الشاعر فهذا نهجه من زمن أقدر حضورك أخي الحبيب ونقدك حتي صورته نقدتها بالكبر الله يستر عليك تقدير لك وتحياتي |
سيف الشعـر
والله ياخي ردك جميل ولكن الشعـر قاف ووزن واذا خلا من هذين الامرين اصبح كلام وليس بشعـر وهذا الشي المعروف به بين نقاد الشعـر والشعار واعتقد ردك علي يدل على عدم فهمك في الشعـر وقصيدة ابو اياد ليست بقصيده انما صف كلام او اعتبرها خرابيط لم يتخللها الجزاله ، ولا المعنى والتقليدي اعتقد انك فهمت اسمه بالخطا التقليدي من يمشي على خطاء غيره بالشعـر ولكن ابو اياد لو انه قلد كان افضل له من كتابة كلمات ليست لها معنى واعتقد لو تعرضها على ناقد ادبي او شاعر سوف يوافقني الراي تحيتي لك ولك حرية التحريه في هذا الامر ورد الاجابه علي من ناقد ادبي يفهم بالشعر النبطي لان سرد القصيده على النبط من خلال توحيد القاف ، مع اختلال الوزن شكرا |
اقتباس:
عزيزي مشعل على العموم كباقي المعجبين بشعره أنا معجب جدا جدا جدا بهذا الشاعر وما حبت شي أسمه شعر الي من هذا الشاعر تقول هذي ماهي قصيدة كلام صفصفه أنا متذوق له وأكره شعر الي يسمونه نبطي كل من هب ودم قال شاعر ولا نفهم شي من شعره الا أحساس لا فن أسمحلي والله الخاربيط في شاعر المليون ولعب على الدقون خلاصة الكلام أتركني وشأني الله يعافيك وخليك في شعرك أنا معجب فيه كباقي المعجبين أرجوك لا تتعب راسي وشكر لحضورك خالص تحياتي و تقديري |
بصراحه
اخي العزيز لايوجد هنا شعرا بعيدا عن القافيه والوزن دجاجه وبطه وشطه واشوه لاتسلسل بل مجرد صف كلامي والشعر منذ العصور الاولى واساسه القافيه والوزن . اختلاف الراي لايفسد للود قضيه |
اقتباس:
هلا والله بعزيز رحال شكلي تورط مع شعراء روعة الكون والله أول مرة أسمع فيك معليش القصيدة روعة وكفى أخواني وزن وقافية وجمال ومتعه خل عنكم الحسد والي ما يطول العنب حاااااااااااااااااااااامض عنه يقول هذا سيف الشعر وكفى الله يعينكم شكلي بأستقبل شاعر ثالث من روعة الكون القصيدة هذه طلعت الشعراء الله يستر تقديري لكم يا حبيب |
اقتباس:
اي سيف شاعر خرابيط ان كنت تدري فتلك مصيبة *** وان كنت لاتدري فالمصيبة اعظم . اللي يشوف القصيده يقول من زينها لاوزن لاقافيه لامعنى تحياتي لك ولسيف شعرك انت |
| الساعة الآن 01:01. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
منتديات روعة الكون