عايز ترفع ضغط المشرفين والمشرفات
هقولكم على شوية خطوات اتبوعها ومش هترفعوا ضغطهم بس لا ممكن يسيبوا المنتدى ويكرهوا الاشراف


او ممكن تنطرد من المنتدى ويقفلوا وراك الباب علشان متحاولش ترجع تانى

انا فى خدمتكم بس انتوا تامروا



الخطوة الاولى

ادخل على اى متندى وتكتب فيه موضوع خاص بمنتدى تانى يعنى اكتب فى المنتدى الاسلامى موضوع عن الطبيخ ويا سلام بئى تكتب جنبها ارجو التثبيت للافادة

الخطوة الثانية
دور على اى موضوع لسة نازل جديد وتروح واخدة وكاتبة باسمك وتكتب عليه حصريا هاتخلى المشرف يلف ويدور حولين نفسة


الخطوة الثالثة
افضل داخل طالع من المنتدى من غير ما ترد على اى موضوع وبعد اسبوع كده اتصل بالمشرف العام او نائبة الادارة وتقولها انا عايز اترقى لانى فعال فى المنتدى بتاعكم وشوف ردهم هيكون ازاى


الخطوة الرابعة
تروح منتدى الاقتراحات والشكاوى وتكتب موضوع باسم الحقونى يا مشرفين وتكتب فى الموضوع ضحكت عليكم وتحط صورة واحد بيضحك


الخطوة الرابعة
كل ما تدخل فى اى موضوع فى المنتدى قول انك شفتة قبل كده فى المنتدى يعنى مكرر ويا ريت لو تقول انه منقول وانك شفتة فى منتديات كتير


الخطوة الخامسة
دور على موضوع من زماااااااااااااااااااااااان ومحدش بيرد عليه وتكتب عليه رد خلى المشرف بتاع المنتدى يتجنن لما يلاقى المواضيع القديمة بتظهر تانى


اهم خطوة
الخطوة السادسة
شوفلك مشرف وخليك لازقلة كل ما تكتب موضوع تبعتلة رسالة خاصة تقولة اية رايك فى الموضوع لو مش عاجبك ممكن تحذفة ربنا يخليك او الموضوع ده جامد ثبتة ربنا يكرمك
المشرف ده هيكره الاشراف انا متاكد


الخطوة السابعة
اول ما تلاقى حد اتعين مشرف او اترقى ابداء اطرح موضوعات عن الواسطة والكوسة وازاى الناس بيجاملوا بعض فى المنتديات



بعد كل الخطوات دى لو فضلت فى المنتدى يبقى المفروض انك تبوس ايدك وش وضهر