منتديات روعة الكون - ::::::: قصيدة عن بنت دقت بالغلط على بيت ::::::::

هذي بنت أتصلت على بيت بالغلط وطلع راعي البيت عجمي

وظهر من لهجته لأنه ينطق حرف الشين وبدى منها الأستهزاء أو زي كذا !!!

وقال الشاعر هذي الأبيات
عطاها درس لن تنساه

قالت اتوشوش؟ قلت طبعأً أوشوشتراش متّصله على بيـت عجمـان
قالت وش انتوا؟ قلت سيلن يطمّشمن يوقف بوجه السلاطين خسران
هذا كلامـي واعتقـد مايخصّـشماغيّره لجلـش ولانـي بندمـان
لاني بلا خالش ولانـي ابعمّـشبيني وبينش فـرق شتـان شتـان
أنا على سلمـن ولاهـو بسلمـشسلم الرجال مطوّعة كـل خـوّان
ماحقّـرش والله ربـي وربّــشوالهرج فيه اللّي هزيلات وسمـان
مهمـا ابتعدتـي ماتعدّيـن أمّـشوانا دروبي ليل وبطـون وديـان
لو كنتت ادوّر عن غرامي وافتّشلقيت بين النـاس ربعـن وخـلّأن
توّش على درب المواليف تـوّشدرب الهوى يابنت موجن وطوفان
بعض الدروب السالكه ماتسـرّشخلّيش عن جو العلاقه والاحـزان
وبعض الغيوم الماطـره ماتعلّـشوماكل غيمه تمطر الوبـل هتّـان
يابنـت لاهللحيـن مانـي بخلّـشوضّحت لش بعض الحقايق ببرهان
وشلون في لحظه تبينـي أحبّـش؟والاتبين السالفـه لعـب بـزران؟
طيعي كلامي واتركينـي طلبتـشخلّيني اقضي باقي العمر فرحـان
واللّي سواتـي لازم انّـه يطنّـشضيّعت وقتي لين نور الفجر بـان
روحي فمان الله ربـي يحفظـشيالعنبو قلبن علـى الحـب ينهـان