]الى كل بنت ناشبه بحلق اهلها وماتزوجت مع انهم حاطين مهعا اختها مجانا
:a28:كيف تتصطادين المعرس؟؟؟
للاجابه على هذا السؤال اليك مايلي000
*أهم نقطه نشني على العجوزاللي حاطه عينك على ولدهاثم نفذي مايلي0000
1) خليك مع أمك لاتروحي مع البنات وتتهبلين اصبري عنهن كم شهر لين تتم العمليه.
2)امشي وانتي حاطه راسك بين كتوفك لاترفعيه ابد حتىلويصير صعارير(خلي الفكس دايم في متناول اليد) علشان يقولون مؤدبه وماهي متكبره.
3) كلمةخاااله خليهاعلى لسانك وخاصة لأم المعرس علشان تحس بنوع من التميزعن بقية العجزه لامانع تنادين عجوزثانيه بخاله علشان اذا مانجحت الخطه مع العجوزنمبر ون تنجح على الثانيه<<<الاحتياط واجب يابنيتي00
4)اذا بدت امك تتكلم انغزيها علشان تدخلك بالموضوع حتى لومالك داااااعي تطبيقا للمثل(كثرالطق يكسر الحديد)ادري المثل ماله داعي بس مالقيت غيره.
5)اخوانك الصغارلاحقيهم وطامري معاهم وين مايروحون حتى لو ماهي عادتك تصرفي معهم كانك امهم عشان العجوز تاخذ فكره انك حريصه على ذريتك (جعلهم عقبك).
6)كل ماكلت امك من اكله زينه خليهاتقول:نفس الأكله اللي تسويها بنيتي (حتى لو الاكل من المطعم الصيني أو المكسيكي!!!).
7)اذا جيتي بتمدين ايدك جعلها للكسر<<<خربتها وتوجعي وخلي امك تقول:قايله لك وانا امك لاتنظفين جدران الفله الخارجيه بس انتي الله يهديك ذابحتك النظافه<<<جعلي ماابكيك اجل بتنظفين جدران الفله نظفي غرفتك أول اللي تقولين ثايره فيها قنبله ذريه000
8)اذا تكلموا الحريم عن العرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها <<بس لاتكتمي نفسك وااايدأخاف تروحين فيها واصير قتلت نفس بغير حق!!!؟؟
9)مهما كان موضوع الحوار حماسي لاتبدين رايك خليك مثل الطرمان لان اللقافه تجيب اجل الخطه000
10) شعرك افرديه لاتخليه طاير وشوشه مهما كانت الموضه لان العجزه مايدورون الا اللي شعورهم ناعمه والا اللي شوشهن طايره محد يلتفتلهن (مع احترامي للي لهن شوش طاايره)
11)أذا أدلت العجوز(أم المتوهق )بأي راي سواء سياسي ولا وطني ولا اقتصادي وافقي عليه حتى لو انه ماسخ وماله داعي مثلاتقول العجوز:أمس بوش متقهوي عندنا يافلانه قوليلها وليه ماعلمتينا ياخاله نجي نعاونكم؟؟؟؟؟؟؟
12)في العروس لا ترقصين واعتبري الرقص عيب وشق جيب اقضبي ارضك وانثبري .
13) اذا جا طاري السوق وهو طبعا لازم يجي الطاري لانه ملح الجلسه000 عند الحريم خلي أمك تقول<<<الله يعظم أجر اميمتك
بناتي مايطلعونللسوق ابوهم يجيب اغراضهن
(((((((((((((((احتـــــــــمــــــااااال واااارد الحـــــــــــــــــــدووووووث)))))))))))))))
يمكن تكون العجوز منشنه على بنت غير لكن بعد النقاط السابق ذكرها بتصرف النظر عنك وعنها<<<امزح لاتصدقين
ماعليناااااااا المهم اللحين العجوز بتكون وقعت بالفخ

*****نروووووووووح للمعرس اللحــــــــــين*********
*اهجدي في بيت اهلك ولاعاد تتطلعين واذا جا المعرس بيشوفك خلي ابوك يقول والله ودي تشوف البنت بدون ماتدري علشان تاخذ راحتك وانا عمك وبعدين تشوفها على الطبيعه علشان ماتقوول غشيتوني <<<ايه هين يالشايب والله لوبيدك لتحط مكانها باسكاال مشعلاني ولا نوال الزغبي ولا غيرها وغيرها

*وقبل يجي اليوم اللي بيشوفك فيه بحوالي اسبوع اواكثر (على حسب شين وجهك)اركضي من صالون لصالون (صبغه،فرد،تنظيف بشره000الخ)
لاتخلين على روحك قاصر ولما يجي المعرس خلي اخوك ياقف جنبه عند الشباااك عشان مايطوووول بالتبحلق ويبان المستخبي وذلك تطبيق لنظريه اللمحه ذبحه

*بعدها عاد كيف بيشوفك هذي عليك ماهوب كل شي بعلمك اياه دبري عمرك بس خلي ابوك بنهايةالمشهد يقول:العذروالسموحه وناعمك<<العودضمن الولد يوم يقول وانا عمك
ترى البنت حوسه(مع انك طاقه كل زينك)بس بها اللحظه بينط الولد على راس ابوك ويبوسه لين يشفط مخه وبيقول متى العرس ياعم؟؟؟؟؟؟؟؟؟
((اللهم ارحمه فقد كان بارا بوالديه))
عادالله يوفقك ولاتنسيناامن حلاو العرس 0000واياك تعلمين الولد من معلمك هالعلوم0000
(((((((((((تحـــــــــــــــــــــــــــــذيــــــ ـــــــــــــــــــــــــــــــــــــــــر)))))))) )))
ابتعدي عن امهات العيال اللي متعلمات راعيات الشنطه مثل لون الجزمه لان هذولي يبيلهم خطط بعيده المدى00000
((((((((((((((نــــــــــــــــصيـــــــــــــــــ ــــه))))))))
رفياقاتك بيلاحظون التغيرااات المفاجئه اللي صارتلك فانتي قولي انك خلاص انسانه عرفتي درب السنع والعداااله
***********كلووووووووش منك العيال ومنه الــــــــــــــمال*************
ترى الطريقه مجربه ونــــــــــــاجحه ميه%بعد00انتي ماعليك الا التنفيذ