للعيون السود ابكتب شعر واحساس وشعور=من خفوق ٍ كل ليل وكـل صبـح ٍ ضمّهـا
من عرفتك والظلام بدنيتي صبـح ٍ ونـور=والعروق من الغلا يجـري غـلاك بدمّهـا
لاضحكتي كل هم ٍ يالغـلا يصبـح سـرور=ولا بكيتي ضاقـت الدنيـا علـيّ بغمّهـا
يابعدهم وين رحتي ضاقت اقفاص الصدور=ليلة ٍ من غير شوفك لعـن ابوهـا وامهـا
وين راحت جاوبوني وينهـا بـدر البـدور=وين ورده ماعرفـت النـوم قبـل اشمّهـا
اه من سم ٍ بدمـي واه مـن هـم ٍ يـدور=بين هم وبين غـم وبيـن ضحكـة فمّهـا
اه منّك يازمنـا عاشـق ٍ قطـع الجسـور=واه من ليلة غيابـه .. اه مااقسـى همّهـا
يابعدهم وارجعي لي ضاقت اقفاص الصدور=ليلة اغيابك حبيبـي لعـن ابوهـا وامهـا