((الهم وصار همين))

ياكثر ناس(ن) تشكي الهم لأعـز أصحابهـا =وانـا اشكـي الهـم وصـار الهـم هميـن
هم(ن) داخل النفـس وهـم(ن) علـى بابهـا =يالله تصبرني على الحمـل لاصـار حمليـن
حمل(ن) على كتف الروح وحمل(ن) تسلى بها =يلعـب بهـا المنكـوس مـن بيـن طرفيـن
طرفيـن للعـزى وابعـدت عـن أحبابـهـا =أمد النظر ويجبرنـي الخجـل أوطـي العيـن
وانقد علـى النفـس واعـود فـي عتابهـا =واجلس في زاويـة البيـت أهـل الدمعتيـن
كني اليتيـم اللـي تطعنـة عمتـة بحرابهـا =كـل ماجفـت دموعـة زادتـة صفقتـيـن
حار دمعة وسط عينـة مـن اللـي صابهـا =وانـا ودي أشوفـك لـو فــي نظرتـيـن
نظرت(ن) ترد الروح ونظـرت(ن) أحيابهـا =يامنـوة الــروح لــك مـنـي كلمتـيـن
ياكم ناس(ن) تضحك لـك وتغـرس أنيابهـا =تظهر لـك البسمـة ونيتهـم علـى الشيـن
وكم نـاس (ن)بالنفـاق مـدت لـك رقابها =يازيـن مظاهرهـم ومـن العقـل خالـيـن
وانا مـن لابـة بيـن العـرب ينحكـا بهـا =ورعنـا يابنـت يقضـي علـى الصفـيـن
يـوم رفقـان الـرخـى ماينـعـدى بـهـا =لاثـار دخـان الرمـك وانقسـم نصفـيـن
نصـف(ن) تيـامـن للعلـيـا وارتقابـهـا =ونصف(ن)تياسـر للـردي ابـو وجهـيـن
فـي نهـار تسمـع عزاويـنـا ينتخابـهـا =هـذا وانـا ولـد ابـوي معـرب الجـديـن
قالهـا اللـي علـى كـل المعانـي جابـهـا =اليـوم عنـدي لــك ياحيـاتـي علمـيـن
امـا أقبلـي خلـي الاحــزان واسبابـهـا =ولا واصلـي طريقـك مـع تالـي المقفيـن