بسم الله الرحمن الرحيم
((( أحبـــــــه )))
للشاعرة نهى نبيل
---------------------------
عندي حبيب فيه كل المزايا
فوق الشهامه اشهد انه دميره
له ضحكة تسوى سوة وسوايا
ورزة عقال ماهي لحد غيره
وغمازتين هناك صوب الشفايا
ونظرات عين يالخلايق خطيرة
ودي اشوفه كل لحظة معايا
عيني بصيرة وبس اليد قصيرة
صرت المحة في عين كل الزوايا
واموت لا جا ذكره باي سيره
اترك عشانه كل عمري ورايا
وابني ل بوسط الحشا الف ديره
سبحان من خلى الحسن فيه آية
قلبي هواه ومدري وش هو مصيره
من يوم شفته والوصل صار غاية
ورسمت في لحظة أماني كثيرة
واظنني تناسيت كل البلايا
وعيوبه صارت في عيوني صغيره
كحيان ومنتف قليل العطايا
بس أشعر بقربه بأني أميره
يرمي سهام العشق أحسن رماية
وينيشن قليبي وينثر عبيره
كم مرة يحلف ماله سوايا
ولا جا يناديني ينادي سميرة
لكن احبه يا بلاه وبلايا
وابقى اتحمل سلبيات كثير
لاني وهبته الروح واجمل هدايا
حبي مع اخلاص على شوية غيرة
وصرت اعذره واهيم به في عمايا
واقول يرجع لي ويعقل مسيره
جنن قلوب الناس واحلى الصبايا
وعذب لي قليبي ملعون خيره
-------------------------
ان شاء الله تكون عجبتكم
الموضوع الاصلي
من روعة الكون
آخر 10 مشاركات
22-06-2007, 08:35
((( أحبـــــــه )))
العرض الشجري
