قصتي ..........وغموضك؟

من وين ابتدي قصتي من غموضك ولامن أبياتك
وبإيش ابتدي منك و لا من حبك اللي بسرعة سكن فيني
ما توقعت بهذي السرعة أكون محتاجة لضمة ذراعاتك
بعد مانهيت نفسي عن الحب... وعن الشوق نهيت عيني
في شي يجذبني إحساس(ن) غريب أحسه بكلماتك
شي ما اعرفه يشدني وبكل قوة يربطــــك فيني
نفسي أعرف ليش اللي شغلني من البشر انت بذاتك
وليش انت بس اللي قدرت تجذب لك بقايا حنيني
مدري ليه احسك دوم جنبي وبافكاري دوم خيالاتك
ولو غفيت ألقااك في منامي متوسد رمش عيني
ولو قريت من الشعر ما أشوف إلا احساسي بكتاباتك
ولو نظرت ما اشوف غير شوقي لك اللي معنيني
مع انك ماتعرف عن حبي وعن شوقي لشوف بسماتك
لما تبتسم بشوفة كلمه مني تفضح سر حبي الدفيني
ورغم غموضك ودي أنا أعيش وأموت وسط وناتك
وأزيل الآهـ من صدرك وأزرعها بصدري آهات و ونيني
ودي اكون اغلى من عمرك ومن قلبك ومن حياتك
وودي أعيش في خفوقك مثل ما انت عايش في شراييني
لكن قبل أبسالك أنا وش أعنيلك في حياتك ؟؟
وحدة عابرة وغيري ساكنة قلبك ومالكة كل الحنيني
حيرة ذبحتني وزاد من خوفي حيرة أبياتك
هي لمحبوبتك ولو كان لأ......أجل هي مكتوبة فيني؟
ورغم اني عارفة ان الغموض راح يغلف إجاباتك
بس ريحني بأي إجابة تفرح وتداوي قلبي الحزيني...

الموضوع الاصلي  من روعة الكون