تدري وش اللي يتعب البنت ياسعود

بسم الله الرحمن الرحيم


رجـلٍ يخـون أشواقها والـمـودهـ




أللي إلى احتـاج الغـلا صـار نمـرود



وإلـى شبـع ممـا عـطـاه إستردهـ




البنت ريحانـة غـلا... ناعمـة عـود



تبـي لهـا رجـلٍ ورث طيـب جــدهـ




رجـلٍ فعولـه كلهـا جـود فـي جـود



مـا يلتفـت للـي كفوفـه تمـدهـ ...!!




رجـلٍ إلى جـتـه الليـالـي بمنـقـود



يتكـى لهـا مـا بيـح الوقـت ســدهـ




مهوب خبـلٍ مـا رعـى للهوى عهـود



وأدنـاة مـا عـارض طريقـه يــردهـ




ولاهـوب لاعلـة .... ولاهـوب ملهـود



ولا شكـوك ... و كـلٍ طـارئٍ يـحـدهـ




ما أشين من الرجـال لا جـاك بـبـرود



وإن قال لـه تـرف القـدم شـي صـدهـ




تبـي لهـا بـراق طيـبٍ لـه رعــود



إن أجدبت يمطـر علـى ريـف خـدهـ




وإن نادتـه تكفـى لقـت عنـده الفـود



يشيـل عزتهـا عـلـى قــو زنــدهـ




كفه نفل ... وأنفاس صـدره لهـا عـود



وظلالـه الضـافـي بيـدهـا تـمـدهـ




البنت خد ... وقـد .... ونواظـرٍ سـود



وريحة غلاً ... يا سعـد مـن شـم نـدهـ




البنـت إلى ضحكـت ثمرهـا لـك ورود



يـا سعـد مـن يقطـف نواويـر وردهـ




واللي يهين البنت ناقـص ... ومقـرود



فرس غـلا ... ما هـي حمـارة مكـدهـ

الموضوع الاصلي  من روعة الكون