لا تجـــــــــــــرح ..!؟

لا تجرح خدودك ترى الدمع يجـرح ..
ان ما جرح خدك جرح قلب مغليـك ..

ما للبكا فـي عينـك اليـوم مطـرح ..
قلّي وأنا أبكي عنك يا عل ما أبكيـك ..

ما احتاج أقول لك انت وأعيد وأشرح ..
ان الغلا يـا اول غـلا هايـم فيـك ..

وشلون يبرح قلـي اشلـون يبـرح ..
حـب تمكـن فـي خفـوق يباريـك ..

الخافق الـي فيـك بالحـب يسـرح ..
كنّه سفينـه مـن بحـرك لموانيـك ..

يحب..يهوى..يعشق..القلب مسـرح ..
لحبك عسى قلبي مع الـروح يفديـك ..

واعرف تراني فيك أضيق وبك أفرح ..
وأزعل على شانك وازعّلك وارضيك ..

بس انتبه للدمـع لا سـال يجـرح ..
قلب يضمك مابـه أحـد يساويـك ...



[[~مشعل~]]

الموضوع الاصلي  من روعة الكون