جندي مكلف!!!

يافلان خذ قافٍ (ن) نظمناه لك صف = قافٍ (ن) جديد ومانشرناه توه
يامن تحسب انك شجاعٍ تخوف = عنتر زمانك في زمان الفلوه
ياللي تقول إنك واعي مثقف = عاقل رزين وفيك طبع الفتوه
بانت علومك يوم بانوا هل العرف = وتوي عرفت إنك صغيرٍ ولوه
مثلك خبيثٍ والردى فيك ملتف = خاين وبنفس الوقت مابك مروه
شرواك مالي فيه وبخوته شف = أذلف وشف منبوذ مثلك وخوه
ولا تعود ترجي صحبتي لك وأنا عف = نفسي عن اللي معرفتهم تشوه
قدرك طمن في وسط قلبي ترى جف = وش بك محيته غاب اسمك وضوه
ماأخاوي الا من فعوله تشرف = رجلٍ عزيز ويفتخر في علوه
طيب عن سلوم الرجاجيل مالف = ولا أنت بومه وأن رفعناك بوه
هذي سواتك وأنت جندي مكلف = لو كنت ضابط تدعي بالنبوه!!
جا لك كلامي اليوم واضح مصنف = من بوح فكري وما تسويه سوه