قصيده حزينه وتبكي..((يرجى القراءهـ)).

قصيده حزينه وتبكي..((يرجى القراءهـ)).

السلام عليكم ورحمة الله وبركاته

هذى قصيده سمعتها وحبيت اكتبها لكم
القصيده حزينه وتبكى ....وانا لما سمعتهااا سويت مناحه بالبيت
وهى قصه طويله بس اختصارها ،،
ان امراه كانت متزوجه وتزوج عليها زوجها من وراها وجاها بالبيت وقاله ابيك
تروحين معاى للسوق تشترين كل شى بخاطرك ويعجبك
المهم الحرمه المسكينه شرت كل شى حلوو عجبها من مكياج وملابس
ولما جوو البيت

قالها زوجها وين الاغراض اللى شريتيها
قالت له ليش قال الاغراض مو لك للمره الجديده وكنت ابيك تشترين الاغراض بنفسك
لانى انا ما اعرف اذواق الحريم وانتى اكيد ذوقك حلوو

الحرمه ماتت من القهر
وطاحت بالمستشفى وخمس سنين وهى بالمستشفى فى غيبوبه
سبحان الله الحرمه صحت بقدرة قادر بعد خمس سنين ......ولما سالت الاطباء وسالت ..فى
احد زارنى قالولها لا محد زارك..؟؟
وقالت القصيده

هذى هى القصيده ......




تكفين يا طيور الحـرار افزعيلـى .. ابى عن ديار الاهـل منـك اخبـار
تكفين حومـى فوقهـم وارجعيلـى .. وإلا ان حصل لك حومه داخل الدار
تكفيـن حـول بيوتهـم دوريـلـى .. سبعة فروخ يـوم اخليهـم صغـار
شوفى ضناى وعودى وانكفى لـى .. واشلونهم يا علهـم صـارو كبـار
نسوا دفاي ونومهـم فـى شليلـى .. وش علمهم يا علهم بطول الاعمـار
قولي لهـم ان امكـم لـه عويلـي .. خمسه سنيـن دمعهـا دوم مـدرار
وقولي لهم إني علـي طـول ليلـي .. أنوح وليـا قـرب الصبـح أنهـار
وقولي عيوني دايمـا لـه هميلـي .. تبكي ليا شافت مـن النـاس زوار
كل يوم اقول غدى حديهـم يجينـي .. راحت سنيني مابهم واحـد(ن) زار
وانا اللي من سبت سوات الحليلـي .. حالـي تـردة كـل مالـه وتنهـار
وفرقا ضناي اللـي تـردت بحيلـي .. كني على شوفتهم اصلى على نـار
ياويلـي كـان الله عجـل رحيلـي .. وانا لي سنين ابـي لوهـي اخبـار
ياعونة الله من يبـي يرتكـي لـي .. جارت علي بأمر الله كـل الأقـدار
تنكـروا مـن يدخلـون الدخيلـي .. واللي بوسط ديارهم يامـن الجـار
قولي لهـم ياطيـور قلبـي عليلـي .. الله يكافي قلوبهم صـارت احجـار
وانا اللي لبراق الخيـال استحيلـي .. وقـول ياعـل ديرتهـم للأمـطـار
تكفيـن وسـط ديارهـم صوتيلـي .. شوفي عسى لأسمي مع الناس تذكار
وقولي لمـن نسيانهـم يستحيلـي .. ياللي نسيتوها تـرى الوقـت دوار
ياهيه ياللـي بالسمـا لـك هديلـي .. ردي خبـر تكفيـن يكفـي امـرار
شوفي هاك اللي نومهم في شليلـي .. من اذان المغرب لوقـت الأسحـار
شوفي هاك اللي ماتهنى في مقيلـي .. إلا مقيـل معهـم كبـار وصـغـار
وقولي لهم ان كان حملـي ثقيلـي .. مره يجون وعقبهـا شـي ماصـار
وانـا يتولانـي كريـم(ن) جليلـي .. ياعلني فـي جنّـة وسـط الأبـرار




التوقيع

ســ الـغلا ــم

الموضوع الاصلي  من روعة الكون