كانت غلطه و وهم كبير

كانت غلطه و وهم كبير
و أنا صدقته و عشته كتير
كدّبت العالم علشانك
صدقتك من غير تفكير



كنت فعينى بر أمان
المعنى الكامل للإنسان
لكن عمرى ما كنت أتخيل
ييجى عليا اليوم و أتهان



عمرى ما كنت أتخيل إنى
عينى تنام و عنيك ظالمينّى
أبكى و تبكى جروحى معايا
و إنت عيونك مش شايفينّى



بضعف يوم ورا يوم أدامك
و انت قدرت تقّسى كلامك
بصرخ صرخة ترج الصمت
و انت مكانك أيوه مكانك



كنت بفكر إن انا غيرهم مش وياهم
كنت بغّمى عنيا و اقول انا مش شايفاهم
لكن انا بصيت حواليّا
و لقيت نفسى فجأه معاهم



انا بتأسف على احساسى
بإن أنا غاليه عليك
و ده كان وهم كبير صدقنى
و يا ريت تفهمنى عنيك
اسفه لأنى ما اخدتش بالى
إنى حقيقى رخيصه عليك



أصل حنانك كان بزياده
فوق الوصف و فوق العاده
و انا صدقت بكل برائتى
كنت بجد بلاقى سعاده



كان لازم افهم من الاول
ان حنانك مش حيطوّل
و انك مش حتدوملى كتير
و حتيجى اللحظه و تتحول



و انا دلوقتى بحارب نفسى
يمكن تقدر تبقى قويه
يمكن اقدر لما اشوفك
أقتل اى دموع فعنيه

الموضوع الاصلي  من روعة الكون