ّتوك صغيره وابتديتي تحبين = من علّمك ليل السهر ياصغيره ؟
بدري عليك العشق يابنت هاللحين = حرام هذا القلب وشهو مصيره ؟
انتي بريئه في الهوا ليه تشقين ؟ = دروبه طوال ٍ عليك وعسيره
رحتي بدرب ٍ ماله اصلا ً عناوين = وانتي مشاويرك من اول قصيره
ياطفلة ٍ حبّت وراحت على وين ؟ = عقب الهنا ذقتي الحياه المريره
وينك ووين الحب والشوق والبين ؟ = عنّيتي عيونك وصرتي سهيره
امحق تسلّي كان ودّك تسلّين = الورد لولا اللّون وشهو عبيره ؟
خلّيتي دروسك وصرتي تحاتين = الدرس في ديره وصرتي بديره
وصرتي بعد من غير هذا تغارين = والمشكله يابنت منتي خبيره
نصيحتي لك كان ودّك تردين = يم السعاده والحياه المثيره
خلّك بجو العايله لا تعدّين = ماما وبابا والعجوز الظريره
شيبانك اللّي مايبونك تعانين = من بينهم عشتي كأنـّـك أميره
الحب قبلك هز ناس ٍ كثيرين = وخلاّ القلوب تعيش هم ٍ وحيره
الحب يفضح لا انكشف داخل العين = وانتي بنفــّسك ماهقيتك بصيره
طيعي كلامي واحذري لا تمادين = تراجعي لاعل في الأمر خيره
عيشي الطفوله والبراءه لك سنين = وبعدين حبّي لا غديتي كبيره
[[~مشعل~]]
الموضوع الاصلي
من روعة الكون
آخر 10 مشاركات
07-07-2007, 02:29
![الصورة الرمزية [[~مشعل~]]](customavatars/avatar40587_1.gif){kind=avatar}
![[[~مشعل~]] غير متصل](http://roo3.net/vb/images/statusicon/user_offline.gif)
![[[~مشعل~]] يستحق التميز](http://roo3.net/vb/images/reputation/reputation_pos.gif)
]
العرض العادي
