قصيده للشاعره/ رانيا ابراهيم

بشروه اني بأرحل من حياتـه
بشروه وفرحـوا فينـي ذويـه

كفنوا جسمي بماضي ذكرياتـه
ادفنوني في المكان اللـي يبيـه
اطلبوا منه اذا خلص صلاتـه
فوق لحدي يحمله براحة ايديـه
ولي وصل وحقق لـه مناتـه
يدفن انسانه تحبه تمـوت فيـه
علموه اني وربي من غلاتـه
اعشق تراب مشت رجله عليـه
حلفـوه يشـد ويقـوي ثباتـه
لا ينزل دمع يجرح لـه عينيـه
باكر بيندم ويصحى من سباته

يحتضن قبري ويبكي ويرتجيه
يعتذر عن جرحه وظالم سواتـه
معترف بالذنب لكن بعـد ايـه

مايفيد الصوت دام الفوت فاتـه
من خذاه الموت وش له يحتريه
الزمن غادر وتطحنـا رحاتـه
ماصفا حاله على الدايم كذيـه

يستوي ويقـوم يلملـم شتاتـه

يبقى شامخ جلد صبـار ونزيـه

اطلبوه يسمي وحده من بناتـه

بإسمي وطيفي مع بنتـه يجيـه

طمنوه اني مسامحتـه لـذات

بشروه00 الله يرضى لي عليـه

وادفنوه بجنبي ان حانت وفاته

جنب انسانه وربي تمـوت فيـه


وســـــلا مــتــكــم

الموضوع الاصلي  من روعة الكون