السلام عليكم ورحمة الله وبركاااته
كل البشر في الاتصالات يخطون
يخطون وأخطي .. عذرنا هاتف فلان ؟؟
ومن عادتي مهتم باللي يقولون
من غلط في رقمي .. لقى الرد غلطان
الين جاء في يوم .. دق التلفون
شفت الرقم .. لقيته أشكال وألوان
فتحت جوالي أبعرف من يكون
سمعت صوت في بحه وفتان
قالت لي : أنت سعود؟ قلت: ايه بالعون
لعيونك .. اسمي سعود لو كان ضيدان
قالت : اتظني مخطئة؟ قلت : وشلون ؟؟
قلبي توقف مانبض فيه شريان
بالهون يابنت الاجاويد بالهون
من عادة الانسان يرتاح لانسان
تسمعي يابنت وابليس ملعون
اخذي كلام مصدره صدق وجدان
ماني بقايل لك : انا انسان مزيون
اطرق ولا له شبه في الانس والجان
انا خالد .. وافي الهرج موزون
اوزن كلامي .. قبل اقوله بميزان
وانا اللذي لاحب .. لايمكن يخون
مخلص مدامه حي .. ويموت ماخان
وانا اذا حبيت .. حبيت بجنون
حبي يفجر داخلي ألف بركان
وانا اللذي ماطرد ورى من يقفون
من صد عني عمد .. بجزيه حقران
هذي وصوفي .. وأكثر الناس يشرون
وانتي عليك اليوم تقدير الاثمان
قالت : أشوفك قمت ياخالد تمون
تضحك وضحكتها تقاسيم فنان
قلت : الميانه .. ماهي بضحكة سنون
احيان ماتلقينها بين الاخوان
ترى الميانه شئ واضح ومضمون
اذا اجتمع شخصين .. في قلب ولساان
قالت : كلامك وافي يابن خلدون
احيان احس ان جلستك بين شيبان
ياخالد.. اسمع كلمة البنت ميسون
اسلوبك ووقتك .. مضت دونها ازمان
هذا زمن قدواته افلام كرتون
وهذا زمان ارجاله اجساد وابدان
قالت .. وغنت لي على وقتي لحون
قلت : اسكتي من بعد ماخاطري شان
انا ادري أن الوقت .. من دون في دون
لكن فمان الله وانس اللذي كان
قلته وانا صامل .. وهي عندها اذون
لكنها ماصدقت سمع الآذاان
ضاقت .. وخلق الله دايم يضيقون
وانا قفلت الخط .. ضايق وزعلان
ونسيت .. والاجواد في الوقت ينسون
ماسمي الانسان الا بنسيان
المشكله .. بنات حوا مايسلون
دقت علي وانا لها شبه شفقان
قبل آآتكلم .. قالت: اسمع ولاتهون
اسمي مهو ميسون .. حان الصدق حان
الاسم عمشاء وآخر الجد مصيون
مهره ولاطوعت بلجام وعنان
قلت : ارحبي مليون تضرب بمليون
اقولها مليون من قلب ولسان
قلت : ارحبي في العين .. ولحافك جفون
وظلالك من الشمس باهداب الاعيان
ياعين حر بالمطايع مفتون
حر شراه مولع الصيد
وسلاااامتكم
منقـــــول
الــــــــــــــــــــــــــــــــــــتـــــــــــ ـــــــــــــــــوقيع ابوميره
ولـــــــــــــــــــــــــــــــــــدناسffkk24
الموضوع الاصلي
من روعة الكون
آخر 10 مشاركات
10-07-2007, 02:50
قصيده بنت متصله بالغلط ....
العرض الشجري
