تعالي ضاعت سنيني تعب حالي وعجزت انساك = انا من بعدك بربـي عـذاب الحـب مشقينـي
تعالي وارحمي قلبٍ عجز يوصل حدود ارضاك = اذا كنتـي علـى قولـك لـك سنيـنٍ تحبينـي
انا كيف اصبر بدونك وكيف اقدر على فرقـاك = وترى صعبٍ علي انسى ولـو حتـى نسيتينـي
مدامك لاسريتي تاخذي قلبـي علـى مسـراك = واحـس بداخلـي جمـرٍ يولـع كـل مافينـي
احس الشوق ياخذني يبي يوصـل ليـوم لقـاك = واشـوف بدنيتـي غربـه تتوهنـي عناوينـي
انـا مـا شـوف هالدنيـا اذا ماشفتهـا دنيـاك = وشعري ويش هو شعري ولوكثـرت دواوينـي
انا عمري وقف لحظة نهايـة حبـك وممشـاك = انا عمـري وقـف يومـك بهجرانـك بليتينـي
من اول لازعلت اسمع من بعيدٍ لصوت بكـاك = وانا فـي وقتهـا افـرح اليـا منـك بكيتينـي
احسك عاشقه قلبي دليلـه هرجـك وشكـواك = وانـا وشلـي بهالدنيـا اليـا منـك عشقتينـي
انا لامن تذكرتـك يفـز القلـب فـي ذكـراك = واخاف انك معا غيـري تضيعيـن وتخونينـي
تعالي جددي الفرحـه ولايهمـك كـلامٍ جـاك = وابي فيما حصـل منـي تناسيـن وتعذرينـي
وانا مابي بعد صدك عن القلب الـذي يهـواك = تلاقي نفسك بصدك وهجـرك لـي خسرتينـي
واذا قصدك تحديني اعيش العمر فـي فرقـاك = فانا الخسران واشهدلـك كسرتينـي كسرتينـي
منقوله
الموضوع الاصلي
من روعة الكون
آخر 10 مشاركات
10-07-2007, 11:11
العرض العادي
