[[[[شيخ الذيابه]]]]

ولد روق · #1 (**permalink**) 12-07-2007, 01:04

القلب شاعر والقوافـي بـالاوزان
والنبض صافي للشعر في كتابـه

انحت تواريخ الشعر فوق الازمان
واكتب قصيدي وسط شيخ الذيابـه

كني على عزف الطواريق سلطان
لا همت في وادي الشعر ما اهابه

ياون قلبٍ يشتكي غيبـة انسـان
لا خلت زولـه لا قلبـي صوابـه

ذكرى فراقه تنحت هموم الاحزان
في عرق قلبٍ احترق في شبابـه

قالوا علامك شارد الفكر سرحـان
قلت الوجع يرمي علـي نصابـه

اذكر مواقفها على عـزة الشـان
حتى زعلها كنت احسّب حسابـه

اذكر غزلها والدلع عندها الـوان
راهـي ولعهـا يتسـم بانسيابـه

طهر العفيفه تهتني فوق الامـزان
من يومها اصل الستر في حجابـه

من يومها والنبض وافي وهيمـان
وانا العهد حق علـي الوفـى بـه

فيني قصايد عشقها تنبت اغصان
في وسط قلبي لين اسقيـت غابـه

نادت حياتي قلت ياحب ما خـان
قالت غلاتي قلت والعشـق لابـه

كل الغلا والود والعـز مـا هـان
كل الوفى يفتح لـه الحـب بابـه

اخفي طعوني واصدق الحب كتمان
لين المطر يشكي عزوف السحابه

من عقبها شعري تزاوره الاحزان
وان انشدوني قلت بعض الكئآبـه

ان جيت ابكتب ما يوفيـه ديـوان
القلب شاعرها و خابـر جوابـه

مدري تعذّر قلبها عزف الالحـان
والا تنـادي قلبهـا فـي غيابـه

وان كان يومي قبلها والزمن فـان
هـذي وصيّـه تنكتـب بالنيابـه

يالله عفوك قبـل لفـي بالاكفـان
اطلب رجاك يـوم خلـقٍ تشابـه

ياناس شعري ودّي اوصله لانسان
من يعرفه يهديه حضـرة جنابـه

اعوذ بك يارب من كـل شيطـان
منك العفو والصفـح والاستجابـه

صلاة ربي عدّ مـوجٍ و طوفـان
على النبي المصطفى والصحابـه

الموضوع الاصلي من روعة الكون

سيدة القلم · 12-07-2007, 01:51

قيثار الحب · 12-07-2007, 01:56

ولد روق · 12-07-2007, 01:56

eng_menooo · 12-07-2007, 02:11

ولد روق · 12-07-2007, 02:16

عبير الخبر · 13-07-2007, 10:57

شاعر الأحزان · 20-07-2007, 06:18

ولد روق · 30-09-2007, 10:52

عـ..ـادل · 01-10-2007, 04:48

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

[[[[شيخ الذيابه]]]]

مــنــتــدى هــمــس الــقــوافــي