بسألك كيف نتقابل دامنا ليل ونهار
لو تقابلنا تموت الناس وتقوم القيامه
كيف وحنا بالتناقض قلب ثلج وقلب نار
قلب ماعنده هيام وقلب ميت في هيامه
النصيب اللي جمعنا عاد واللي صار صار
ما على قلبي ملام ولا على قبك ملامه
لاكن آسف واقبلي مني رسالة اعتذار
ظرف حب وفيه ورد وبين طياته حمامه
عله آخر مايكون من الوله ولأنتظار
وعل ماتبقى تحت جفني من الفرقا علامه
دام ماللحب عندك اي قيمه واعتبار
ليش عذبتي خفوقي واستغليتي غرامه
ليش ماكنتي معي بالحب في نفس المسار
قبل أعيش ايام موت القلب وآلآم انقسامه
جيت وعيوني هدايا شوق واحلامي كبار
ورحت انسان مامعاه من الهموم إلا عضامه
من عرفتك والأماني طايره والنوم طار
منطوي والبال يشرب وحشة اليل وظلامه
اعترفلك اني كنت احبك حب حتى الأنتحار
كنت احس بضعف قلبي لا سمعتك وانهزامه
لين شفت ان الفراق احيان مامنه فرار
قلت افارقها واموت ولا اعيش بلا كرامه
وإلا انا والله قبلك ماعرفت الأنهيار
لين شفت بموق عيني نار دمعه وإبتسامه
لو خذلتي حب قلبي واعتبرتيه انتصار
ماخذلتي راسي يالي ماخضع للوقت هامه
بالغلا ماعاد يجمع بيننا درب ومدار
كوكبين وكل كوكوب له مداه وله نظامه
بعد ماقلت اتركيني واتخذت اصعب قرار
مستحيل ارجع وانا انسان ماينزل مقامه
خذي آخر مابقالك من شفاهي باختصار
روحي بحفظ الكريم وغادري مع السلامه
وإن خذتني غربة الفرقا لمستشفى شهار
قلت عاشق طار عقله ماتراجع عن كلامه
يوم شاف الليل لايمكن يقابله النهار
قال روحي والوعد يابنت في يوم القيامه
آخر 10 مشاركات
14-09-2006, 04:35
العرض الشجري
