احسك في شراييني واحسك نبض وجداني

تفارقنا وكنت احسب بتنساني وانا بنساك

او اني بقدر اتناساك مثل مانته تناساني

ولافكرت لحظتها بذكرك من بعد فرقاك

وكنت احسب فراقي لك يخفف جملة احزاني

ولكن بعد فرقانا بديت اعيش في ذكراك

احسك في شراييني واحسك نبض وجداني

في شعري وحتى في نثري وفي قلبي بين هذا وذاك

حظورك عندي الطاغي ضعيف الحيل خلاني

اشوفك في مراياتي كاني واقف وياك

واشمك في عطوراتي وتسمع صوتك اذاني

اراك بصحوي وغفوي وابعد من مدى الادراك

واشوفك في تناهيدي واشوفك داخل اعياني

اراك بكل شي فيني اراك بكل شي اراك

بكل سكه وبكل شارع وفي داري واجمل الواني

معي بتسافر اهمومك وذكرى لك هنا وهناك

بغيت اهرب من الرمضا وطحت بنار تصلاني

عجزت بيوم اتناسك ويا كيف اقدار انا انساك

حسبتك حب يوم وبيروح لقيتك حبي الغااالي

حبيبي طاااالبك قلي بعد كل هذا كيف انساك

وانسى كلما اعيشه معك واشفى من إدماني

الموضوع الاصلي  من روعة الكون