التخـــــلف ( رساله جديد ) كيبورديه

مساء القصيد العذب

قيل في الماضي


( شاعر يجبرك على استماعه ، وشويعر بكيفك تسمع له او لا ، وشعرور ودك ان تصفعه )

الشعرور هنا المشتسعر في هذا العصر ،

رساله خاصه ،،،،


التخلف / ماهو اني اختلف معكـ بقضيـه
ـــــــــ التخلف اني ادري بالخطاء واسكت عليه

لكم

.....

....

...

..

.


صغت قافكـ يالضٌعيف والقوافي جات فيهِ
ـــــــــ تحسبً جزل القوافي كل شاعر تحتفيـه

وابكـ حنا من رجالً نجزي النيـه بنيــــهِ
ــــــــ وكل طيب له مقامً بالمراجل نشتريــــه

ياهل الاشعار ( وقفــه ) ميزة العقال ضيهِ
ـــــــــ من يشوف اللي يشوفه مشعل الاشواق فيه

امتحني وابتلاني وجمع خبـــولً عليـــهِ
ـــــــــ كل خبلً في ردوده رده البايخ يليـــــــه

ثم عود بالقصيده وكسر القيفان ليــــهِ
ــــــــــ الوزن والقاف يخلف ربنا لاقلت ليه

ياصغَير وانت تعقب لاشداد ولامطيــهِ
ـــــــــ لاتعرض للصقور ولـ الشيوخ ولاتجيه

وابكـ حنا من شيوخً فعلها والنار حيـهِ
ـــــــــ وتكرم اعلوم القبايل عن قصيدً تنتخيه

شيخ نجـد وراس قوم ولاعليه ماعليهِ
ــــــــ هرجة رخوم الحثاله شرذمة قومً تعيـه

والشعر يحرم اقوله دام في مثلك خطئيهِ
ـــــــــ ودام ناسً وسط صفك بالشعر ماتحتميه

طبلوله طبلوله بالهزيلـــــــــه والرديهِ
ـــــــــ وصفقواله وصفقوله دام كسره يرتديــه

صدق قيلت من زمان وكل مستشعر هديهِ
ـــــــــ اصفعه لا من تكلم ، بالقصيـد وقال ايــه

التخلف ماهو اني اختلف معك بقضيهِ
ــــــــــ التخلف اني ادري بالخطا واسكت عليه



اخوكم / خالد الماجد


دمتم بود

الموضوع الاصلي  من روعة الكون