ظلم فتـــــــــــــــــــــــــــــاه

قصيدة فتاه اجبرها أبوها على الزواج من شخص وكتب لها احد الشعراء هذه الأبيات على لسانها.

فلما قرأها أبوها رجع عن أمره وجعلها تختار من ترغب.
وهذه نصيحة لمن يعتبر......،،،،،،،،،،،،،،،،،،،،،،،،،،،

يا بوي خلوني على كيفي اختار
يا بوي هذا العرس ما به غصيبه

يا بوي لا ترمون قلبي على النار
وتصير بكره يا جماعـه مصيبة

يا بوي أنا اللي عارفه كل الأسرار
قلبي وأنا ادري في دواه وطبيبه

يا بوي أنا مليت من كثر الاشوار
والموت من شور القريب لقريبه

يبه .. يا مكرم الضيف والجار
يا سـيدي يا تاج قلبي حبيبه

لو شفت دمعي تالي الليل مدرار
النوم حاربني وأنا له حريبـه

في خاطري همْ وهواجيس وأفكار
ما جابت الورقـا من النوح أجيبه

الله يعين اللي من الهم محتار
أعيش في دنياي مثل الغريبة

الحلم الأول مات يا بوي وانهار
ذبحت حلمي ليه .. والله عجيبة

يا بوي زاد الهم ضاقت بي الدار
صارت حياتي يا حياتي صعيبه

وشعاد لو في غرفتي ورد وأزهار
أشـوفها يا بوي مثلي كئيبـة

يا تاج راسي لا تحمّلني أوزار
تكفا طلبتك لا تزيد المصيبة

الموضوع الاصلي  من روعة الكون