|
تعــبت أرسم بــلا ألــوان
 |
|
 |
|
شاعره
من أرض البحرين
تطل
إطلاله أولى
متمنيه التفاعل
بقصيده
أتمنى
أن تكون
بمستوى
ذائقتكم الشعرية
اذا تبغي من الاخر تعبت أرسـم بـلا ألـوان
تعبت أحفر حروف الوهم فوق أوراق مخفيـه
تعبت أنشد وأغنيها بلا صـوت وبـلا ألحـان
أمثل خدعة المحبوب في قصة حـب وهميـه
تعبت أرسم لك اللوحه وأجعل نفسـي العنـوان
وتحصرني مكابرتك في صوره غيـر مرئيـه
تعبت أظهر بهالصوره..بلا برواز ولا جدران
تعلقهـا عـلـى زيفك..تزينـهـا بمزاجـيـه
تهمشهـا اذا ودك وتطويهـا مـع النسـيـان
وتوهمهـا بقـدر الحـب اذا ودك علانـيـه
اذا تبغي من الاخر وجودي ف دنيتك يافـلان
غلط وأكبر من أغلاطك ظهوري بصوره عاديه
أجمّل لك وأعديهـا علـى مـا تشتهـي أزدان
وأكبرك بنفس غيري..وأزينـك ابحسـن نيـه
تعبت أجرف في انفاسي وأحجبها عن الاعيان
أراكمها في جوف القلـب وأطبطبهـا بحنيـه
تعبت أصنع من اللاشي مشاعر ترتعد طوفـان
وأمطر هالصحاري غيث من غيـوم الأنانيـه
تكون بدنيتي لوحـة ملامـح مبهـه وانسـان
مجرد من صفات النفس..بلا أوصاف حسيـه
وأكون بدنيتك ريشه يبعثرها هـوى الخـذلان
ويركنها على الهامش..مشاعـر حـب منفيـه
أكون بدنيتك ورده تِنَمّـي للجـذور أغصـان
ويجرفهـا أذى الواقع..ويدفنهـا وهـي حيـه
تعبت أحلم وأحلامي وهم مايـروي العطشـان
تعبت أظما بعد واظما وكاسك يرفـض الجيـه |
|
 |
|
 |
الموضوع الاصلي
من روعة الكون
التعديل الأخير تم بواسطة أبيات خجلى ; 21-07-2007 الساعة 11:09
|
آخر 10 مشاركات
21-07-2007, 11:05
]
العرض المتطور
