[ســــــــجل دخولك وحضــــــــــورك ] بـــــ بـــيـــت أو بيــتين شـــــــــعر

ما اعتدت أجادل شخص ميت ضميره.
.إنسان ماتت به مفاهيم الإنسان
.. أنا مع أهل الطيب لي ألف سيره
.. وإلا انت مالك مع أهل الطيب عنوان


دخول أمواج الغربية

سلام والمركب عليه اثنين والساعه تدور
والموج هادي والوعد قدام والرحله ذهاب

الحمام اللي على طوفة البيت غنى..يحمل ل؟؟؟ مع النسمه سلام وتعاليل

ليتك ترفقتك ياللي على بالي تجنى..ودوايت بي جرحي ولا قطعت المواصيل

مدري خفوقي يوم ضمك هو تعنى..ولا ترنم على الاوتار واستمع للمراسيل

لا تــلــومــيــنــي
فقدرى في الحب العناء
لا تلوميني لا تلوميني فكلانا بالحب سواء . المتالق في سماء الابداع
لاحرمني الله روحك الطيبه

تقبل تحيتي وأشواقي
والله يوفقك

>>-------> رجووووووووووع <------<<

حسبي عليك ان كان سببت لي جرح .. وانااللي حسبتك يا عشيري لي مداوي
تعبت مدري شوقك هو جمع او طرح .. واخآآآآآآآآآآآآف يدمي مدمعي وانا حر نداوي
غلاك وافي مايبي تبرير ولا يبي شرح .. تدري توكل دامك على الجرح ناوي

صبحكم بالخير


لو كل من يزعل علينــــا .... نراضيــــه
ــــــــ ماشفت به حــــيً من الناس .. زعلان !!
.
.
ولو كل هـــرجً بالقفا ... نلتفت فيــــــــه
ــــــــ ماعاش بين أرواحنــــا ... رفعة انسان !


من باعنــــا .. بعنـــا سمـــاه واراضيه
ــــــــ حتى ولو هو من حبـــايب وخــــلان !
.
.
واللي شـــرانا ... بأحمر الدم نشريه
ـــــــــ هـــذي عــوايدنا ... على طول الأزمان
.
.
العيب .. عيب اللي تبدل مبــــــاديه
ــــــــ والطيب له مجلس ودوله وسلطان

تسجيل دخول


خالد

إهداء لمنبع الحب ..... لاينضب أبدا
ربي يحفظها لي دوم ..... سندي بدنيتي
إليك...... أمــــــــــــــــــي:
:
:
:طاب القصيد وطابت بيوت الاشعار

ويـا الله توفقنـي بقـولٍ بديـتـه

ابدي قصيدي واثـر ورود وزهـار

لغلا قريـبٍ فـي زمانـي لقيتـه

ما شوف مثله في محيطات وقطـار

ولحدٍ بمثله مـن خفوقـي هويتـه

امي عسى ربي يكافيهـا الاخطـار

ويحميها ربٍ حامـيٍ سـور بيتـه

امي لها بالقلـب مـارد ومصـدار

وانا احمد الله امرها مـا عصيتـه

امي لها في قلوب الاقراب مقـدار

فضل الولي والراس لجلـه حنيتـه

امي ولا غير امـي اليـوم بختـار

وينسانـي الله فضلهـا لـو نسيتـه

هي مهجة الخاطر وهي شمعة الدار

وهي نوري الوهاج طيـبٍ خذيتـه

ياما تعبت من شاننا يومنـا صغـار

تبذل وتعطي والعطـى مـا كميتـه

ومن اجلنا يا كثر ما ذاقت امـرار

تتعـب علـى لازم وشـيٍ بغيتـه

واجب نكون اليوم في طوعها ابرار

ابذلهـا جهـدٍ وعــزمٍ قويـتـه

ولوي فرشت الارض لولو ونـوار

وروحي وما تملـك يدينـي فديتـه

موفيها فعـلٍ تبذلـة لجنـا صـار

وانا اشهدنـي لفعلهـا مـا وفيتـه

تدعي الآه الكون في وقت الاسحار

وانـا الآه الكـون ربـي دعيـتـه

يجعلها ربي من طويلات الاعمـار

ويحميها ربٍ حامـيٍ سـور بيتـه

ان كتب ربي رجوع جينا
وان ما كتب عذري مع احترامي وتقديري

خروووووووووووووج

-------------------------------------------------------


بين الجبال وعلى اطراف ذيك الشواطي
__عزي لقلب بكاك وصار من كثر نوحه يعط

وهم لجيجه في الحشا مثل لج القواطي
__مثل الغرير اللي ماعرف امه وما شافها قط

ليتني من اسباب هجرك خذيت احتياطي
__كيف ابسلا ونار بعدك هامده ثم(ن) تستشط