[ســــــــجل دخولك وحضــــــــــورك ] بـــــ بـــيـــت أو بيــتين شـــــــــعر

حارت تعابيري على بيض الاوراق == عيا القلم وازرى يوصل جنونك
ياللي لقلبي غديت اليوم سراق ==بسمي وبسم القلب نفدى عيونك

؛

؛

تخنقني العبرة

اسمى حروف الشعر والقاف يشتاق
لمعانق اسمك كل ما قلت شعري

ياللي ليا طليت كل الفضاء راق
وان غبت غاب اليوم من كل عمري

اعاهدك من قلب صادق وميثاق
ماخون ودك لو على حفر قبري

شئ من الله والغلا مثل الارزاق
مقسمه ربي والايام تجــــري

كشفت لك اوراق ماغيرها اوراق
اكتاب مفتوح خوذيه واقــري

ما اقدرعلى ظلم المشاعروالاشواق
وحرام تبقى وتندفن وسط صدري

الهااااااااااااايم

حرام تحرمني من الصوت والشوف
وحرام تذبحني بزهرة شبابي

وحرام تقطف وردة الحب بسيوف
وحرام تهجرني وتطير صوابي

لا تبتعد عني ترى القلب مخطوف
ما بقى الا الجسم داخل ثيابي

ابيك كلك او بلياك كلك ..... مابيك في بعض اهتمامك تجيني

ان جيتني حياك قلبي محلك .... وان رحت كنّك دمعةٍ وسط عيني

ياما تحملتك بدقك وجلك ... واقول ميخالف ابيه ويبيني

قدمت لك كلي وابي منك كلك ... ولا فمان الله لا لا تجيني



تخنقني العبرة

أهلا, ويامرحبا ترحيبة كلها ذوق
للي لفى بوح القوافي وجانا

نهدي له أحروف الغلا ياهل الذوق
عساه دايم في هناء وأمانا

وهذا الزمن يقسي علينا له اطروق
محد سلم من قسوته لو ثوانا


الهااااااااايم

ودي بشوفك كل مااصبحت وامسيت

ممســاك فـي قلبـي وصبحـك بعينـي

ان قلـت احط بداخـل العيـن لك بيـت

خـايـف يحـول الرمـش بينـك وبينـي

وان قلت احطـك داخـل القلب عييـت

صعبه علي اخفيك عن شـوف عيني
/

\

تخنقني العبرة

كتبت انا في تالي الليل بيتين
لعيون من يسوى جميع الخلايق

الي معاهدني على الزين والشين
و الي بشوفه يصبح الفكر رايق


الهاااااااايم

يا صاحبي يا حظي المكتوب يا اغلى الأمنيات .... يا اجمل الصدفات لو ما جات يالسهل العسير
؛
؛
تخنقني العبرة

اذا تفارق شخص عادي مصيبه وشلون لو فارقت منهو تحبه

يارب رجع كل حبيب لحبيبه دام الحياة في بعدهم حيل صعبه