القلب الحنون
-1شفتلي موضوع صفحات الجرايد دوننه.
في علوم المجتمع صفحت ثلاث وربعيني.
-2والحقيقه يوم قامت تشكي الأم المسنه.
قالت إبني طشني وسط الرعايه مايبيني.
-3فز قلبي ناوي المظهار ورده بونه.
كل ما أخذلي نفس مليان يرجع مايجيني.
-4مل قلبي والله إنه والله إنه والله إنه.
يوم قامت ترتجي تبي الفرج مثل السجيني.
-5قلت كن الهم ياقلبي وعيا لا يكنه.
لو قدرت هموم قلبي ماقدرت دموع عيني.
-6هم قلبي ودمع عيني قمت احارب بينهنه.
وختلفنا من عقب ماكنا من أول طيبيني.
-7هيه يالي ترمي امك فيك شك وفيك ظنه.
انت خيبت الرجا وأصبحت شيخ الخايبيني.
-8ترمي القلب الحنون الي معلمك المحنه.
خاف من يوم لا ينفع به لا مال ولا بنيني.
-9اعمل بدنيا المتاعه الأخره نار وجنه.
ذكرو معي ترا الذكرا تفيد المؤمنيني.
-10ولي حق اظهر أحقوق الأمهات ودورهنه.
لن رضي ولا زعل مني غضيب الوالديني.
-11كان حضه مرتدي حضي عزومه جودنه.
واطلب الله الكريم يثبته ما يبتليني.
-12يمه انتي عندي اغلا من بناتي كلهنه.
وانتي اغلا من عيوني وانتي اغلا من يديني.
-13حب من رب السماوات العلا ما لأحد منه.
صدقيني ماحكيت إلا الحقيقه صدقيني.
-14تذكريني يوم كنت صغير فالعظم لنه.
يوم كنت احبي ومد إيديه يعني ساعديني.
-15الوقوف اخاف منه والمطيح اخاف منه.
وانتي تقولين لا تحزن ياورعي ياجنيني.
-16ثم كبر ورعك بفضل الله ويدين رعنه.
تذكريني يوم جالي في الحياه اربع سنيني.
-17البس ثيابي ورووح والبواقي مرثعنه.
ورع بسن الجهل ماكنت احسبك تتعبيني.
-18هالحين اللعب ودروب الشقا كبرت عنه.
مستعد بخدمتك مثل ماكنتي تخدميني.
وسلامتكـــــــــــــــــــــــم
|
آخر 10 مشاركات
06-08-2007, 11:26
![[ســــــــجل دخولك وحضــــــــــورك ] بـــــ بـــيـــت أو بيــتين شـــــــــعر](http://roo3.net/vb/iconimages/forum19/thread33493_rtl.gif)
]
]
العرض العادي
