كيف بوصف لي جمال *جمال *جمال

ابتدي قافي واسمي باسم من ينشى الخيال
______________عقبها اقول صلى الله وسلم عالرسول
يابحر جده وساحلها وياروس الجبال
_____________ ياروابي ياهضاب وياتلال ويا سهول
ياصحاري يانفوذ وياصخور ويارمال
_____________ ياورود وياطيور ويافراش وياحقول
ياسما يارض وايضاً يانجوم وياهلال
_____________ ياسحاب ويابروق ويارعود وياسيول
ياشروق وياغروب وياجنوب وياشمال
_______________ ياليالي ياشهور وياسنين ويافصول
ياقبيله ياجماعه ياعمام وياخوال
_______________ ياسيوف ويارماح ويادروع وياخيول
ياخناذف ياشبابه ياكبار وياعيال
________________ياعرب ياترك يافارس وايضا يامغول
اشهدوا اني احبه حب مايقبل جدال
______________ والله انه مالكٍ قلبي غلا عرضٍ وطول
يكفي اسمه لاسمعته كن صايبني هبال
______________ والله اني قبل عرفه كنت ماني بمهبول
كل ماجيت اوصفه اقول توصيفه محال
_________ ويش ابحكي ويش اعيد اويش ازيد اويش اقول
كيف بوصف لي جمالٍ في جمالٍ في جمال
______________ في جمالٍ في جمالٍ في جمالٍ بالاصول
الحقيقه قلتها ماهي بنسج من الخيال
______________ والله انه مالكٍ قلبي غلا عرضٍ وطول

الموضوع الاصلي  من روعة الكون