خســارهـ صرت أنا أحبكـ

انا اللي قلت في نفسي
احبك.. وابتدى التمثيل

بديت اكذب على نفسي
و اقول انك نظر عيني

خطاك انك تصدقني
تبادلني الهوى و تميل

صدقت بكل اشواقك
وكاذب كل ما فيني

خدعني واهم إحساسي
بلا غاية ولا تحليل

ظلمتك يوم جاريته
أجامل و انت تعطيني

لقيتك غارق بحبي
ولا لي للأمر تبديل

حرام أحطم احلامٍ
بناها الحب .. بيديني

وسايرتك ..على كيفك
لقيت القلب حبّك حيل

ولا فكّرت في جرحك
ولا ودي تذوق الويل

ولا حبيت نتفارق
وعينك يوم تبكيني

ولكن بانت الكذبة
وعزّم قلبي التعديل

تنبّه بعد ما فات
الأوان .. ومرّت سنيني

علينا دارت اللعبة
مثل دورة نهار و ليل

تحب وكنت انا لاهي
عشقتك و انت تجافيني

خلاص الحزن ما ينفع
تبادلنا الهوى تمثيل

خسارة صرت أنا أحبك
وانت اللي تجاريني
__________________
______________________________

الموضوع الاصلي  من روعة الكون