اجمل ما قرأت هنا باقلامكم

يـوم شـفتك غـنت جـروحي قـصيده
فـي خـفوقـي من ورا شـوقي تويـق

كـنهـم يـوم ابعـدوا لأرض بعيده
فـي تهاتـيه المـشاعـر والطـريق

أوقـدتني لك وله دمـعه جـديـده
فـي مـحاجـر زمهـريرك والحــريق

أصبح المسـجـون حــزنه تستزيده
والغـريـب اني لمـطلـوبك اطــيق

كـل حـي يشـتكي ممكن يـريـــده
وانـت رغـم الغـدر لي أوفى رفيق

هـو حبيبي طـير حـظي لو اصـيده
رحـت مـن حـلم السـعادة ما أفيق

استشـيره هـو يبي حــبي وأزيده
كـيف ازيـده وأنا فـي حـبه غريق

هـو خـفوق الرمـح ولعمري وريده
والمـسافــه لا بغـيته ما تعــيق

حالفه ما انساه لو قالوا عنيده
هـو أحـد قـبلي نسى صـدق صــديق

لاخـطا بالنفـد نـبته جا جـديده
كـن نـبت النـفل يـفرش له طـريق

قـلتها كـلمة وقـولي ما اعـيده
ذا حـبيبي لـو تجـنالي عـشـــيق