قصة حقيقيةحدثت معي وبدون مبالغة

السلام عليكم ورحمة الله وبركاته.................
انه اليوم حبيت اني اقول لكم قصة حقيقية صارت معي واقسم ان القصة بدون اي مبالغة وبدون اي شلخ كنت انه واهلي ساكنين في بيت بعد ما انتقلنه من شقه يوم انتقلنه البيت الجديد كنه وايد مستانسين انه واخواني و خواتي لانه البيت كان فيه بركة سباحة وكان البيت وايد وايد كبير وعقب ما مر كم اسبوع كنت دايما اقوم من النوم الساعة 3 بالضبط وكنت على هالحال لين ما جاء اليوم الي قمت وياليتني ماقمت قبل الساعة 3 بخمس دقائق ويوم قمت من النوم لا حظت شي كان قاعد على الكرسي وكانت ملامحه من الظهر مثل ملامح ابوي بالضبط وكان قاعد على كرسي الكمبيوتر الي يفتر والكل طبعا يعرف الكرسي ذي وكان يشرب من قلاص وعقب مالا تاكدت اني ماكنت احلم ولا كنت اتخيل وقفت على الفراش علشان اروح اجوف شفي ابوي ويوم قمت من الفراش والا الي كان على الكرسي محد وانه كان عبالي اني اتخيل لكن تاكدت اني ما اتخيل يوم جفي الكرسي الي كان قاعد عايه ويدور فيه كان ليلحين يدور

وقوم عاد يا عبدالله ونط على سرير اخوك لاني كلش كنت خايف من الي صار جدام عيني ويوم قلت حق اهلي اكتشفنت ان حتى اهمة كانت اتصيبهم هالحالات وعلى طول الاسبوع اللي عقبه على طول انتقلنه بيت ثاني وكنا متحسفين على كل اللي في البيت وخصوصا البرجة اللي كانت فيه واذا كان كلامي مب مفهوم نبهوني
ومع السلامة وانشاءالله نالت اعجابكم


تحياتي شاعر الصحراء

الموضوع الاصلي  من روعة الكون