إختبار البطاطس لشريكة حياتك

hamdyth · #1 (**permalink**) 09-08-2007, 11:59

مرحبا بكم

دة تالت موضوع وأتمنى إن الردود تنزل على الموضوع زى الرز

مبدئيا الزواج بقى مشكلة كل شاب والعملية مش لعبة دى فلوس بتدفع و عزايم وهدايا ودباديب و....و..... و ليلة بقى مالهاش

آخر
إختبار البطاطس دة كنت لاقيتة فى موقع للصحة النفسية وحبيت أقول لكم علية- مع إضافات اخوكم حمدى

لو رايح تخطب واحدة (طبعا واحدة أمال واحد)ممكن تطلب منها تعمل لك بطاطس

لو راحت المطبخ عشان تعمل البطاطس من غير ما تسألك تحبها إية(مشوية مسلوقة مهرية)....تبقى متسلطة-شوف إزاى!!-

وها تتعبك وقوم إستأذن

ولو جابت طبق البطاطس وقشرت قدامك تبقى حاجة من إتنين

1-تكون بتحب المنظرة-و برضة خد حذرك منها
2
-تكون عايزة تفرج أمك على شمللتها وحلاوة عمايلها(ودى بقى ،أنا شخصيا مش عارفة أفسر نفسيتها)

وممكن تدخل المطبخ بعد ماتعرف إنك عايز نوع معين

إجرى وراها على المطبخ

لو غسلت البطاطس قبل ماتقشرها تبقى موسوسه

لو غسلت البطاطس بعد ماتقشرها- وقبل ما تخرطها- تبقى بتهتم بالتفاصيل

لو غسلتها بعد ما خرطتها وقبل ما تحطها فى الزيت (مع إنة واجب عليها يعنى)تبقى بتحب اللمسات الأخيرة

لو ماغسلتهاش إللا قبل ما ترميها فى الزيت (يعنى مرورا بمرحلة التقشير إنتهاء بمرحلة التخريط)تبقى معفنة ولو إتجوزتها و

حبت تمسح ها تمسح الفراغات بين النابوليا(العفش يعنى)أو الأماكن الظاهرة

وفى الحالة دى خد بعضك وفى أقرب تاكسى إرمى نفسك

طبعا واحد أو واحدة(عندهم كمية ظرف يعنى)يسألوا طب لو قالت مش ممكن تكون جاى علشان تأكل بطاطس -تبقى فهمتك

ياجميل وساعتها إوعى تدعى على

والسلام عليكم ورحمة اللة وبركاتة

الموضوع الاصلي من روعة الكون

بسمه · 10-08-2007, 03:34

hamdyth · 10-08-2007, 11:11

إختبار البطاطس لشريكة حياتك

مــنــتــدى الــفــرفــشــة والــدجــة