عشق حتى الموت>>>هادي و فطوم <<<

آســف على التأخير
******************

الجزء الثالث

راحت فطوم المدرسه مبجر و بيدها الهديه...وفرحانه حيل...انها بتدز الهديه و انها تعرفت على انسان مثل هادي...بس كانت حاطه ببالها انه تعرفت على اخ و استاذ و طبيب نفسي (( مثل ماكانت تقول لنا ه )) لا اكثر و الا اقل بعكس هادي الا قلبه دق لفطوم...
اجتمعت باالصف مع مريم و رزان....وقاموا يتفقون شلون بيروحون البريد...وبيرجعون المدرسه...!!!
كانت رزان وايد خايفة...انها ما تقدر تنفذ الخطة و تطلع من المدرسه و ترجع من غير محد يحس لها...خصوصا" انه البريد يسكر العصر....على حسب علمنا...
وبين ماكنا بهالحال....شفنا وحدة من البنات (( سمية من اليمن )) تقول انها راح تساعدنا ولا نخاف .. لانه من بعد شووي اهيا راح تطلع من الباب الثاني للمدرسه و راح تطلع ويا الحبيب (( عزيز ))..احنا فرحنا وايد ...و الخوف انتهى....لانه لقينا منقذ لمصيبتنا...عطيناها الهديه و الفلوس و العنوان و فهمناها كل شي...
صارت الساعه 7 و قدرت سمية تهرب من المدرسه و من غير محد يحس لها و بذات الناطور و المشرفين...
بديت الحصص الاولى واحنا نحاتي شلون سميه راح ترد المدرسه كنا حاطين ببالنا انه راح ترد بالفسحة....لكن صدمتنا لمى دقينا عليها انها راح تبقى الى نهاية الدوام و راح نلتقي عند نهاية الشارع مال المدرسه..!!
صارت الحصة الرابعه...!!
وصارت المصايب و البلاوي....!!!
اخت سمية (( سلمى )) جت لنا الصف تسأل عن سمية...!!
سلمى : رزان...وين سميه ما شفتيها ...!!
رزان : سميه من الصبح ما شفناها..شكلها غايبه !!
سلمى : شلون غايبه..!! واهيا جايه معاي المدرسه..!!!
وابوي اللي موصلنا....عند الباب !!!
رزان : والله ما شفناها....عندج كل البنات سأليهم....
الكل قال محد شافها لانه سمية قالت الى البنات قولوا هالكلام...!!
المهم..رزان حست بتصير مصيبه....حاولت تدق على سميه و تقول لها رجعي المدرسه ...صايرة البلاوي......
بس جهازها مسكر...وعلى ما اهيا تحاول...!!
دخلت المشرفة الاجتماعيه صفنا....!!!!!!!!!!!! ومعاها سلمى وكانت مسويه فلم هندي تبجي و تقول ابي اختي..!!! مع انها اول وحدة تدري وين اختها .....
(( لانه الطيور على اشكالها تقع ))
المهم....المشرفة دخلت وقالت سؤال واحد و ابي جوابه...!!!
وين سميه....!!!
قلنا لها ماندري....كلنا.....
قالت رزززززززززززاااااااااااااااااااااااانننننننن...
انتي ما يخفى عليج شي اكيد تعرفين شنو يصير بالصف قولي لنا وين راحت سمية....
قلت لها ماندري..وانه علاقتي مب اوكي معاها...
قالت اوكي....
طلعت شوي مع سلمى..ورجعت وقالت بصوت عالي :
اللي عندها موبايل تطلعه...!!
قلت بقلبي اتذكر حزتها...هاي بعد...ه
فطوم المسكينه.. عندها بس تقول مالها خلق بلاوي...وهم ماطلعت الموبايل ....
مريم ...وهذي فاتحين محل تلفونات بس عشانها لدرجة تجينا بالتلفونين باليوم......
قامت تقول عشان تغير الموضوع وتنسيه المشرفه :
مشرفة ليش ما تاخدين رقم سمية من سلمى و تدقون عليها..؟؟
المشرفة : وليش انتو ماعندكم رقمها..!!
مريم : لا اهيا ماتعطينا....ماعندنا علاقه فيها...
المهم المشرفة راحت الادارة تدق على سميه.....وعلى ما اهيا جذي...
دقينا على سمية و قلنا لها بكل شي........وبعدها...
جمعنا الموبايلات و خليناهم في جيس وفتحنا الدريشه و قطيناهم... وقلنا اذا حد خذاهم الله لا يسامحه واذا بقوا خير وبركة...
مرت الدقايق و كنا حييل خايفييين...حتى كان في طائرات..فوق المدرسه...
الا تقول فطوم : حتى الخبر وصل لشرطة وراحوا يدورن على سميه ...!!
بذاك اليوم مادرسنا ولا شي من بركات سمية...الا الحين نناديها (( جوجو )) مع الايام بتعرفون....السبب و التفاصيل الباقيه ...لأنه هالاحداث كلها كانت بشهر 4 سنة 2005......

******************

يتبع