السلام عليكم ورحمة الله وبركاتة
هذي مرثية في المرحوم منصور ابن عمي
يا علم تكفى تحول حلم لو مره = = ورجع رفيقن رحل وانقطعت اخباره
والا خذ العمر مني واكفيني شره = = والحقني اللي بقلبي والعة ناره
إيه إيه منصور وين القاه وامره = = ما عاد بي حيل والاعصاب منهاره
يا شين هالكون من بعده ويا قشره = = ويا ضيق صدري وانا ادري باحت اسراره
طعم الوناسه سمج مع نكهة الحسره = = لا الليل لونه كذا ولا هذي انواره
يومن فرش فوق سجاد الفرح جمره = = وبين المحاني تمركى وزين وجاره
يا كيف ابصبر وقلبي نافذن صبره = = وين اتوجه ما دام النفس محتاره
يا ويل ويلي ويا من يطفي الحره = = لاسقت رجلي توجهبي على دره
ياكن كبدي ورب البيت منفطره = = عزي لذاك المكان ووحشة غباره
لا جابوا اسمه شرقت بتكت العبره = = شين بوسط الضلوع يسن منشاره
الوقت اعرفه ومبطي ذايقن غدره = = يا شين علمه يجيك يسابق إنذاره
عز الله إنه سقاني كاس من مره = = وانا أشهد إنه علي مثقل عياره
عزاي لله وربي عنده الدبره = = والا امنيه لكل الناس دواره
ما نشتكي كود للي نرتضي بأمره = = الحكم لله والاقدار جباره
يا عالمن ما يخفي العبد ويسره = = يا مسير الفلك في قدره ومقداره
لك رحمتة تتسع للكون في أسره = = يا جاعلن كل ذنب وفيه كفاره
إشمل برحمتك ميتنا وسط قبره = = وخله بقبره يشوف بجنتك داره
يا رب حنا كذا عشنا على الفطره = = جيناك بذنوبنا ويمناك غفاره
واتمنى من الله انها تحوز على رضااااكم
تحياتي لكم
ميشووو
الموضوع الاصلي
من روعة الكون
آخر 10 مشاركات
10-08-2007, 10:26
مرثية المرحووووم
العرض الشجري
