بتدخل هنا ؟..هات معك(ملف أخضر علاقي+صورة شمسية +بطاقة العائلة)

بدون مقدمات اللي دخل ولا جاب معه ( ملف أخضر علاقي + صورة شمسية + بطاقة العائلة) يتفضل براا الموضوع... OK الله لا يهينه

لالالا عاد هالحين نجي للصدق

كل إنسان من حقه يكون له أحلام يتمنى إنه يحققها..وطموح ماله حدود..وأهداف يسعى لتحقيقها..ومستقبل كامل يبنيه...

<<< طيب وش المطلوب؟؟..<<< اصبر علي جايتك بالكلام..

لكن...طموحه مهما كان متمسك فيه راح يكون سراب...أحلامه الكبيرة في لحظة بتصير هباءمنتثور..

التعب والجد والاجتهاداللي بيوصله لأهدافه ضااااع .. بعد ماكان يبني مستقبله الحالم سنه بسنه..

راااحت بغمضة عين .. بالله عليكم ليه كذا مستقبل يضيع..وعالم تتألم.. وفرص تضيع...

ليه لما يكون الإنسان طموح وناجح مايلاقي اللي يسعى له مايلاقي اللي يآخذ بيده ويساعده؟

تلاقيه يقدم على كل الفرص ولا تجيه ولا أقل فرصة؟بينما الشخص اللي أقل منه واللي مايدل طريق التعب يكون أحسن منه ويآخذ فرصة مايستحقهااا؟

طيب .. التخصصات الجامعية ليه قليلة؟...البعثات الخارجية ليه محدودة؟..المناهج الدراسية ليه متأخرة؟

الوظايف ليه صعب إنك تحصل عليها؟..

بالله إلى متى يتكرر هالوضع كل سنة؟؟؟




وياليت على هالوضع يقبلونهم؟..وإذا قبلوا قارن أعداد المتقدمين بأعداد المقبولين..

والمقبولين أحياناً يكون قبول مبدأي مونهائي..اختبار قدرات.. قبول..تحصيلي.. ومقابلة شخصية

وبعدين يحكون عنا ( الشباب والبنات) عاطلين ..عوانس .. متخلفين..

وأخيراً...أنآ طرحت الموضوع بشكل عام ماأقصد أحد لأن في طموح وقدر يحقق طموحه وهذا نقوله الله يوفقك....لكن في إنسان طموح وله أهداف وأبعاد لكن الدنيا خلته إنسان عادي

أبي آرائكم بالسالفه العقيمة اللي ماأدري متى يرزقنا مولود يبشرنا بحل لها

الموضوع الاصلي  من روعة الكون