أنتي ... ولا شي !!

والله وصرتي تستهينين فيني *** وأنا الذي سويت لك قدر بيدي

تدرين وش كنتي قبل تعرفيني *** ان قلت لك كنتي ولاحاجة .. شوي

أنا الذي فرشت لك رمش عيني *** وعملت منك شي وانتي ولاشي

جيت أعشقك ماجيت تحقريني *** جيت أسكنك بسمة ماهوب أسكنك حي

مادمت عاملّك قدر .. قدريني *** ترى الكرامة صفحة ٍ مالها طي

ان كان ماجيتي غلا .. لاتجيني *** نار الغرام أرحم من الذل بالفي

والله لا اهجرك قبل لاتهجريني *** اجل تبيعيني .. واجي لك برجلي ؟

ياتتركين الكبر يا تتركيني *** لأن المحبة شي .. والمهزلة شي

لا صارت الدعوة غلاي وحنيني *** يمكن يزول الحقد ويشعشع الضي

لكن حكاية ينحني لك جبيني *** في ذمتي ماينحني لك وأنا حي