لا صار كل العالم ذنوب في ذنوب = ماني بريء اخطيت واخطيت واخطيت
لكن اذا قارنت قلبي مع قلوب = لي قلب حي واكثر قلوبهم ميت
قلبي بياض ناصع كنه الثوب = لكن توسخ والسبب بقعة الزيت
ابغسلك يا قلب واوعدني تتوب = يكفيك غي ويكفي انك تماديت
الى متى والنور يا قلب محجوب = شيل السواد اللي بظلامه تخبيت
بامسح خطاك واترك شوية عيوب = لاني بشر مهما علمت وتحديت
وابامسح اللي داخل القلب محبوب = ما يبقى غير اللي لها بداخلي صيت
باهدم بيوت الحب واكسر الطوب = وهي وحدها بابني لها داخلي بيت
احلى وارق احساس والقلب طيوب = دامي معاها والله اني تهنيت
بارفع بيارق نصر ولو كنت مغلوب = واحس بالفرحه ولو اني تعنيت
الموضوع الاصلي
من روعة الكون
آخر 10 مشاركات
12-08-2007, 08:16
ماني بريء والعالم ذنوب
العرض الشجري
