؛؛؛يــا ضعيف النفس ؛؛؛

اضع بين ايديكم هذه المتواضعه التي وصفت مابداخلــــي من شعور وارجو ان تنال رضاكم

مهما حكى فيني ضعيف النفس ، قدري مانزل
واذا قصيدي مااعجبه ؟ ماهوب لازم يعجبه .!
يكفي قصيدي في عيون الناس وفعيني جزل
وتبقى مواصيلي بعيده عن يمينه واشنبه .!
وانكان شعري مزعجه ؟ واللي خلقني مااعتزل
بكتب واقول اللي كتبته للبشر ، وأعقّبه.!
قصايدي لاقلتها في مدح والا في غزل
يعجب بها المتذوق الجيّد ويحفظ مااكتبه.!
الراس مايقدر يعيش اذا عن الجسم انعزل
والرجل لو يلقى رفيقه بالقسا ماجنّبه.!
ياشينها لو ان رفيقي في مواجيبي يزل
والمشكله .! لامن تمادت زلته ماينتبه.!
غالي . واذا ماشالته دنياه فـعيوني نزل
واذا تضايق شفت وش يبغي واحقق مطلبه .!
يارب وارفعني عن الزلات والهرج الهزل
واجعل مكاني في وسط جنّتك فـأعلى مرتبه.!
والحاسد اللي اغتابني بيموت وقدري مانزل
تبقى مواصيلي بعيده عن يمينه واشنبه .!

وسلمتوا

للشاعر ابو تميم

الموضوع الاصلي  من روعة الكون