ثلاث سنين

ثلاث سنين انا اخطط لهذا اليوم يابو سعود
تيسرحالي وجاهز اوفي وعدي بوقته
وفجاءه جتني تتعذر تقول اتاخرت لوعود
وانا مستغرب واسمع كاني وعدها خنته
حسبتنها تمازحني وتتصنع جفا وصدود
ضحكت بوجا من قلب مع انها بايخه النكته
وقالت ارضى بالواقع قلبي ماهو المعهود
تغير كل شي صوبك نصيبي مااظن انت
كنت في يوم محبوبي ولكن مااظن نعود
وصل قبل ماتوصل وانا ذاك الصبر عفته
ولكن تكفى صدقني ويشهد ربي المعبود
ترى ماخنتك بغفله ولا كلمته وشفته
صراحه اهلي قالولي بانه ولد اصل وجود
وجتني امه بالصوره وبكلمات المدح اخته
سكت وقلت هي فرصه مدام الجود في الموجود
وقالوا كل من حولي علامات الرضا سكته
وانا فكرت ان امه واخته ماعليهم زود
اكيداني براضيهم اذا وافقت واخترته
واراضي اهلي واخواني مدام ان الفرح مقصود
عطيت الناس انا كلمه ومعاهم وقتي حددته
والكلمه ترى مقدر اغيرها ترى عند العرب منقود
اوافق واعتذر باكر واقول الراي غيرته
تبي تشرحلي المنقود تصدق عاد يابو سعود
تبيني اقتنع وارضى بحال عمري ماعشته
انا ماني بقايلها عسى يفرش ثراها ورود
بعد ماحطمت قلبي وطعم الموت جربته
عسى بفستانها اشواك وفي ثوبه عقارب سود
ونار تحرق الكوشه وتحرق بيتهم حتى
وموت بليله الدخله يبرد حرتي ياكود
ولا احس انها بحظنه ويلامس خد لامسته
عليه اهون اذا ماتوا ولابنفس السرير رقود
ترى صعب علي اتخيل اللي ماتخيلته
عسى قاع الثرى يقسى ويتحول صخر جلمود
وحفار القبر يرفض يسوي فوق مدفنته
ترى دفنه عديم الذات تلوع حتى كبد الدود
ومن خان العهود ومات تعافه حتى مقبرته
عسى ربي يجازيهم بحبل من مسد ممدود
يعلقهم بااطرافه ونار فوقه وتحته
انا ماني حقود وشين ولاني من نسل نمرود
ومن حط نفسه بوضعي يقول اللي انا قلته
مدام الفعل له رده فعل والله ابشري يردود
بدعي دامني حي وباغرس لدعاء نبته
وبسقيها نزيف القلب ودمع ماارحم لخدود
وتكبر والثمر ساري من اللي خانني وخنته
انا نذر علي اكتب وافجر هالقصيد رعود
واسمع كل البشر صوتي عجبته والا زعلته
وارددللي يسمعني اذا حبيت حط حدود
انا حبيت دون حدود وشوف اللي تكبدته
ثلاث سنين وانا ابني وجت صوره بكل برود
خذت مني شقى عمري وحلم قلت حققته
ثلاث سنين وانا اخطط لهذا اليوم يابو سعود
وتوافق من كلام اخته وصوره اربعه في سته
&&&&&&&&&&&&&&&&&&&&&&&&&&&&&&&&&&&&&&&&
ايش رايكم كل هذا الدعاء ويقول ماني حقود بس قصيده عن جد بكتني الله يعوض عليه ويرزقنا من يكتب فينا الكلام الطيب
للكل فائق احترامااتي

الموضوع الاصلي  من روعة الكون