أتاني منكسر ..... وبكيت عشانه لا تفوتكم قصتي مع اخوي

بسم الله الرحمن الرحيم

بحكيكم على سالفه حصلتلي امس بكتني والله اقولكم السالفه.....


أمس جاني اخوي الصغير عمره 12 سنه وبيده ورقه بيضاء جاني وهو مستحي وفي عينه دمعه وعطاني


هالورقه وراح وانا والله استغربت حركته هذي وفتحت الورقه وش لقيت بالورقه لقيت مكتوب شعر


بديت اقرأ الشعر وربي كل ما اقرأ البيت اتشوق اقرأ اللي بعده وكانت قصيده محزنه وربي ياخلاني ابكي


وحسيت جسمي كله قشعر وطبعا عندنا او عند كل البيوت والناس معروف الصغير هو اللي عليه الشغل كله


كا قال رسولنا الكريم ((( اصغرهم خادمهم )))) المهم انا ما ابي اطولكم السالفه شوفوا وش كتب من شعر


وحسيت انه يعاني من جوه المسكين وانشاء الله الشعر يعجبكم وربي انا ماصدقت انه هو اللي كاتبه


شوووفوووووه واحكموووووا




((( صرخة الم )))


يالله انك تسعدني بدنيتي ..... ولا تذوقني نوع من انواع الظلم

ودوم علي عافيتي وصحتي ..... ولا تخليني أحس مره بالألم

هذي حياتي دايم نايم بغرفتي ..... والا صياح يحسسني بالندم

دايم مظلوم من أفراد أسرتي ..... واحد يصيح وواحد يرفس بالقدم

وأولهم والدي ومن بعده إخوتي ..... كلهم ضدي كني لهم ضيقه وهم

وهذا أنا جالس أحبس دمعتي ..... وأكتب عبارات بهذا القلم

وأدعي إن الله يصبرني بمحنتي ..... ويسعدني ويسعد جميع الأمم

ويالله أدعوك تفرج همي وكربتي ..... واجعلني شامخا على رأس القمم








هذه كانت كتابه اخوي ها وش رايكم ؟؟



والله انا ابكتني وما دريت ايش اقوله بس والله من بعد كذا ما صرت اطلبه كثير ولا اضربه مع انه عبيط شوي



بس والله هو باقي صغير وله احاسيس




وياليت كلكم تعاملون اخوانكم بالرفق عشان يحبونكم اكثر


وتقبلوا تحياتي .......




أخوكم




~¤§¦الـــوافــــي¦§¤~


تقـبـلـو .×.تــحـــيـــاتــــي.×.

الموضوع الاصلي  من روعة الكون